Neolíticu
From Wikipedia, the free encyclopedia
El Neolíticu (del griegu νέος, néos: ‘nuevu’, y λίθος, líthos: ‘piedra’), o Edá de Piedra Nueva o Pulida, ye unu de los periodos en que se considera estremada la Edá de Piedra. El términu foi acuñáu por John Lubbock na so obra Prehistoric Times (1865).
Primeramente dióse-y esti nome en razón de los afayos de ferramientes de piedra apolazada, en cuenta de tallada; esto ye, en cuenta de cutida, que yera menos resistente,[1] que paecíen acompañar al desenvolvimientu y espansión de l'agricultura. Anguaño defínese'l Neolíticu precisamente en razón de la conocencia y usu de l'agricultura o del llendo. De normal, pero non necesariamente, va acompañáu pol trabayu de l'alfarería.