Muyeres na ciencia
From Wikipedia, the free encyclopedia
Les muyeres contribuyeron notablemente a la ciencia dende los sos entamos. Historiadores con un interés nel xéneru y la ciencia arrexuntaron de les tiniebles nes que s'escondíen estes muyeres munchos de los sos llogros, les barreres coles que tuvieron que trepar y les estratexes qu'elles tuvieron qu'emplegar por que los sos trabayos pudieren ser revisaos por otros compañeru y aceptaos en revistes, artículos y otres publicaciones científiques de manera válida. L'estudiu históricu, críticu y sociolóxicu d'estos problemes volvióse una disciplina académica de por sí.
Arreyar a muyeres nel campu de la medicina asocedió en delles Antigües Civilizaciones y l'estudiu de filosofía natural taba abiertu a les muyeres na Antigua Grecia. Les muyeres tamién contribuyeron na protociencia de l'alquimia nel sieglu primero y segundo DC. Mientres la Edá Media, los conventos fueron un importante llugar pa la educación femenina y dalgunes d'estes instituciones apurrieron oportunidaes por que les muyeres pudieren formar parte y contribuyir nel campu de la investigación. Ente que nel sieglu XI fundáronse les primeres universidaes les muyeres fueron escluyíes de la educación universitaria. L'actitú d'educar a muyeres en campos de la medicina n'Italia yera más lliberal que n'otros llugares. La primer muyer conocida en completar los estudios universitarios nun campu d'estudios científicos, foi la científica italiana del sieglu XVIII Laura Bassi.
Anque los roles de xéneru taben bien definíos nel sieglu XVIII les muyeres esperimentaron una gran meyora nel campu de la ciencia. Mientres el sieglu XIX les muyeres yeren escluyíes d'una educación científica formal, pero empezaron a almitise en sociedaes educatives de menor nivel. Darréu nesti sieglu l'aumentu de muyeres qu'estudiaben n'universidaes apurrió trabayos remunerados pa les muyeres que quixeren dedicase a la ciencia y oportunidaes pa educase. Marie Curie, la primer muyer en recibir un Premiu Nobel en 1903 (física) foi tamién la primer persona en llograr dos premios al recoyer en 1911 el de química, dambos premios pol so trabayu en radiación. De les 40 muyeres quien recibieron un Premiu Nobel ente 1901 y 2010 tan solo 17 d'elles recibir nun ámbitu científicu (física, química, filosofía y medicina)