Montemayor del Río
From Wikipedia, the free encyclopedia
Montemayor del Río ye un conceyu y llocalidá española de la provincia de Salamanca, na comunidá autónoma de Castiella y Llión. Intégrase dientro de la contorna de la Sierra de Béjar y pertenez al partíu xudicial de Béjar.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Montemayor del Río | |||
---|---|---|---|
| |||
Alministración | |||
País | España | ||
Autonomía | Castiella y Lleón | ||
Provincia | provincia de Salamanca | ||
Partíu xudicial | Béjar | ||
Tipu d'entidá | conceyu d'España | ||
Alcalde de Montemayor del Río (es) | Jacinto Gómez Arroyo | ||
Nome oficial | Montemayor del Río (es)[1] | ||
Códigu postal |
37727 | ||
Xeografía | |||
Coordenaes | 40°20′55″N 5°53′43″W | ||
Superficie | 15.3 km² | ||
Altitú | 675 m[2] | ||
Llenda con |
Baños de Montemayor, El Cerro (es) , Lagunilla (es) , Aldeacipreste, Puerto de Béjar y Peñacaballera
| ||
Demografía | |||
Población |
266 hab. (2023) - 141 homes (2019) - 122 muyeres (2019) | ||
Porcentaxe |
0% de provincia de Salamanca 0.01% de Castiella y Lleón 0% de España | ||
Densidá | 17,39 hab/km² | ||
aytomontemayordelrio.com | |||
El so términu municipal ta formáu por un solu nucleu de población, ocupa una superficie total de 15,30 km² y según los datos demográficos recoyíos nel padrón municipal ellaboráu pol INE nel añu 2017, cuenta con una población de 272 habitantes.
La llocalidá tien una altitú de 677 m sobre'l nivel del mar. La villa de Montemayor ta nel sistema Central, na Sierra de Béjar. Asitiada al sureste de la provincia de Salamanca, mui cerca de la provincia de Cáceres, el so términu municipal llega hasta la llinia de separación de les dos provincies. Pa llegar a la llocalidá, tantu pel norte como pel sur, hai que faelo al traviés de la N-630 o l'autovía de la Plata, esviándose al altor de Peñacaballera. Hai que percorrer siete km por una estrecha y difícil carretera llocal.
La llocalidá ta hermanada cola villa homónima de Montemayor na provincia de Córdoba. Montemayor del Río foi declarada Conxuntu Históricu Artísticu en 1982. Allugada xunto a l'antigua Calzada de la Plata, mientres la Edá Media tuvo xurisdicción sobre catorce pueblos, en creándose el so conceyu en redol a 1227 pol rei Alfonsu IX de Llión que buscaba reforzar demográficamente esta zona estratéxica del Reinu de Llión, polo que dalgunes de dichos pueblos dependientes de la villa caltienen anguaño parte del so nome, como Colmenar de Montemayor, Baños de Montemayor y Horcajo de Montemayor.