Mitoloxía xermana
From Wikipedia, the free encyclopedia
La mitoloxía xermana ye'l conxuntu de creencies profesaes polos antiguos pueblos xermánicos antes del so cristianización, en distintes rexones del Norte d'Europa, como l'antigua Germania, Escandinavia, Islandia, les islles Orcadas y Shetland, la mariña más meridional d'Escocia o la parte oriental d'Inglaterra.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La mitoloxía xermánica subdivídese, por cuenta de los sos múltiples oríxenes, en tres grupos distintos: La mitoloxía anglosaxona, que tien el so orixe nes tradiciones paganes que portaron los anglos, xutos y saxones a la islla de Britania mientres la colonización de lo so parte oriental nel sieglu VI. La mitoloxía alemana, compendiu de creencies que profesaben los pueblos xermanos que vivíen na actual Alemaña antes del so cristianización, y la mitoloxía nórdica o escandinava, aniciada fundamentalmente en Escandinavia y darréu en Xutlandia ya Islandia y que foi l'últimu sistema de creencies d'orixe xermánicu en ser movíu pol cristianismu ente los sieglos IX y XI, non ensin antes ser compilados la mayor parte de los sos mitos por Snorri Sturluson nos sos poemes, les Eddas (estremaes en Edda Mayor y Edda menor), nel sieglu XII.