Micrófonu
aparatu que tresforma les ondes sonores nuna señal llétrica / From Wikipedia, the free encyclopedia
Un micrófonu (del inglés microphone, acuñáu nel sieglu XVII a partir del prefixu micro, "pequeñu" y el griegu antiguu ϕωνήi - foné, "voz") ye un aparatu que s'usa pa tresformar les ondes sonores en enerxía llétrica y viceversa en procesos de grabación y reproducción de soníu; consiste esencialmente nun diafragma atraíu intermitentemente por un electroimán, que, al cimblar, modifica la corriente tresmitida poles distintes presiones a un circuitu. Un micrófonu funciona como un transductor o sensor electroacústicu y convierte el soníu (ondes sonores) nuna señal llétrica p'aumentar la so intensidá, tresmitila y rexistrala. Los micrófonos tienen múltiples aplicaciones en distintos campos como en telefonía,[1] ciencia, salú,[2] tresmisión de soníu en conciertos y eventos públicos, trasmisión de soníu en medios masivos de comunicación como producciones audiovisuales (cine y televisión), radio, producción en direuto y grabáu d'audiu profesional, desenvolvimientu d'inxeniería de soníu, reconocencia de voz y VoIP.
Anguaño, la mayoría de los micrófonos utilicen inducción electromagnética (micrófonos dinámicos), cambéu de capacitancia (micrófono de condensador) o piezoelectricidad (micrófonos piezoeléctricos) pa producir una señal llétrica a partir de les variaciones de la presión d'aire. Los micrófonos usualmente riquen tar coneutaos a un preamplificador primero que'l so señal pueda ser grabada o procesada y reproducida en altavoces o cualesquier dispositivo d'amplificación sonora.