Luis José de Orbegoso y Moncada
From Wikipedia, the free encyclopedia
Luis José de Orbegoso y Moncada Galindo (25 d'agostu de 1795, Huamachuco – 5 de febreru de 1847, Trujillo) foi un militar y políticu peruanu. Yera de familia criolla aristocrática. Lluchó a favor de la independencia del so país, tantu nel serviciu militar como ufiertando la so fortuna personal, al igual que munchos otros patriotes criollos. Participó depués na guerra contra la Gran Colombia. Foi Presidente Constitucional de Perú de 1833 a 1836 (anque a títulu provisional) y desendolcó la so carrera política mientres una etapa de fonda división social y una continua guerra civil, polo qu'en dellos momentos el so gobiernu coesistió colos de los militares golpistes Pedro Bermúdez y Felipe Santiago Salaverry. Atosigado pola rebelión salaverrista, auspició la invasión boliviana d'Andrés de Santa Cruz, que desamarró una guerra que favoreció l'establecimientu de la Confederación Perú-Boliviana. Foi nomáu Presidente del Estáu Nor-Peruanu (integrante de dicha Confederación), cargu qu'exerció de 1837 a 1838. Quixo depués espulsar tanto a los bolivianos confederaos como a los chilenos restauradores, pero foi ganáu nel Combate de Portada de Guías. Ello marcó'l fin de la so carrera política.
Luis José de Orbegoso y Moncada | |
---|---|
Vida | |
Nacimientu | Huamachuco, 25 d'agostu de 1795[1] |
Nacionalidá | España |
Muerte | Trujillo, 5 de febreru de 1847[1] (51 años) |
Familia | |
Fíos/es | Nemecio Orbegoso |
Estudios | |
Llingües falaes | castellanu |
Oficiu | políticu, militar |