Llingües d'Andorra
categoría de Wikimedia / From Wikipedia, the free encyclopedia
Les llingües d'Andorra son les llingües usaes nel Principáu d'Andorra. Les más usaes son el catalán, l'español, el francés y el portugués; d'elles namái'l catalán ye idioma llocal, les demás fálense de resultes de la inmigración o del turismu. El catalán ye tamién la única llingua oficial según la Constitución Andorrana de 1993;[1] sicasí, Andorra ye miembru de la Organización d'Estaos Iberoamericanos, pa lo que foi aceptada'l 18 de payares de 2004, y miembru de la Organización Internacional de la Francofonía.
El castellán, el portugués y el francés tienen un usu importante dada la inmigración principalmente española dende mediaos del sieglu XX. La población andorrana ye de nacionalidá española (32%), portuguesa (16%) y francesa (6%), ente que la población de nacionalidá andorrana ye del 38% (l'añu 2008 y el 2009 son los únicos años en que los ciudadanos andorranos superen a los de nacionalidá española desque se tienen datos, 1963).[2] Nel casu del castellán y el francés tamién s'esplica'l so usu habitual pol sector turísticu, yá que este ye'l más importante de la economía del país, y los turistes son principalmente españoles y franceses,[3] y tamién poles rellación comerciales con España y Francia.