Juan Bautista Quirós Segura
políticu costarricanu / From Wikipedia, the free encyclopedia
Juan Bautista Quirós Segura (18 de xineru de 1853, Tibás – 7 de payares de 1934, San Xosé) foi un empresariu y militar costarricense, Presidente de la República ente'l 12 d'agostu y el 2 de setiembre de 1919. Gobernó Costa Rica por trés selmanes depués del arrenunciu del xeneral Federico Tinoco Granados, por cuenta de qu'ocupaba el puestu de Primer Designáu a la Presidencia. Sicasí la opinión pública nun miró de bon presto la llegada al poder del nuevu presidente pos se vía nél l'allongamientu del réxime cayíu y al so alredor los mesmos servidores del gobernante anterior. Les manifestaciones de descontentu popular yeren constantes. Tou esto sumó presión por que'l poder fuera designáu temporalmente a Francisco Aguilar Barquero.[1] El so curtiu periodu viose atayáu amás polo que se llamó "la intervención de los Estaos Xuníos", yá que el presidente de dichu país, Woodrow Wilson, nun reconoció'l so gobiernu nin el del so antecesor, que llegara al poder por aciu un golpe d'Estáu. Ante l'amenaza de desamarrar fechos armaos qu'arreyaren el derramamiento de sangre costarricense, Quirós aportó a arrenunciar al so cargu y apurrió el gobiernu a Francisco Aguilar Barquero.
Juan Bautista Quirós Segura | |||
---|---|---|---|
← Federico Alberto Tinoco Granados - Francisco Aguilar Barquero → | |||
Vida | |||
Nacimientu | Tibás, 18 de xineru de 1853 | ||
Nacionalidá | Costa Rica | ||
Muerte | San Xosé, 7 de payares de 1934 (81 años) | ||
Sepultura | San Xosé | ||
Familia | |||
Padre | Pablo Quirós Jiménez | ||
Oficiu | políticu | ||