Islla Grande de Tierra del Fueu
From Wikipedia, the free encyclopedia
La islla Grande de Tierra del Fueu ta allugada nel estremu sur d'América, continente del que ta dixebrada pol estrechu de Magallanes. Por superficie, ye la 29ª islla del mundu y la mayor, con diferencia, de les islles del gran archipiélagu fueguino. Llenda cola canal Beagle al sur, l'océanu Atlánticu al este, y l'océanu Pacíficu al oeste.
Islla Grande de Tierra del Fueu | |
---|---|
Situación | |
País | Chile |
Rexón | Rexón de Magallanes y de l'Antártica Chilena |
Tipu | islla |
Parte de | Tierra del Fueu |
Asitiáu en | Océanu Atlánticu |
Coordenaes | 54°10′S 68°30′W |
Datos | |
Altitú media | 2488 m |
Puntu más altu | Monte Shipton (es) |
Superficie | 47 992 km² |
Población | 200 000 |
Fusu horariu | UTC−03:00 |
Esta islla ye compartida per Arxentina y Chile, países a los que-yos correspuende la parte oriental y occidental, respeutivamente. 21 263 km² pertenecen a l'Arxentina col 48,51 % del total, ente que 22 593 km² pertenecen a Chile col 51,49 % del total de la superficie de la islla. La parte arxentina de la islla correspuende a la provincia de Tierra del Fueu, Antártida ya Islles del Atlánticu Sur, que la so capital ye la ciudá d'Ushuaia. El sector chilenu de la islla correspuende mayoritariamente a la provincia de Tierra del Fueu, perteneciente a la rexón de Magallanes y l'Antártica Chilena; la capital de la referida provincia ye Porvenir. El restu de la seición chilena de la islla correspuende a parte de la provincia de l'Antártica Chilena, perteneciente tamién a la referida rexón.