Igualdá énte la llei
From Wikipedia, the free encyclopedia
La igualdá ante la llei, Igualdá so la llei, igualdá ante los güeyos de la llei o Igualdá xurídica ye'l principiu que reconoz que toles persones tienen de ser trataes de la mesma manera pola llei (principiu d'isonomía), y que tean suxetes a les mesmes lleis de xusticia (debíu procesu), reconoz la equiparación igualitaria de tolos ciudadanos en derechos civiles y políticos,[1] poro, la llei tien de garantizar que nengún individuu o grupu d'individuos seya privilexáu o discrimináu pol estáu ensin distinción de raza, sexu, orientacion sexual, xéneru, origen nacional, color, origen étnicu, relixón o otres carauterístiques yá sían personales o coleutives ensin parcialidá.
Ye un principiu esencial del lliberalismu y la democracia. Hai un vieyu dichu que diz "toos son iguales ante la llei", L'autor Anatole France dixo en 1894: "Na so maxestosa igualdá, la llei prohibe a los ricos y probes dormir so pontes, pedimiar nes cais y robar panes".[2] La creencia na igualdá ante la llei llámase igualitarismu llegal. El principiu d'igualdá ante la llei ye incompatible y dexa d'esistir con sistemes llegales como la esclavitú, la servidume, el colonialismu, la monarquía, la teocracia, los impuestos progresivos, la redistribución de la riqueza, la igualdá de resultaos, les lleis de cuotes o cualquier tipu de discriminación positiva.
Igualdá ante la llei, ye'l conxuntu de derechos y garantíes del ordenamientu xurídicu. El conteníu de les lleis seya igual pa toos, o desigual si asina correspuende, sobre la fase o en función de la xusticia. Igualdá ante la llei, implica que toos tienen el mesmu tratu de la llei, non yá los órganos del Estáu, como coles mesmes, tales órganos estatales tienen d'interpretar y aplicar l'ordenamientu xurídicu, ensin incurrir en discriminación, esti principiu namái implica la non discriminación per parte del estáu como una llimitación del so poder y nun aplica a persones o empreses privaes yá que implicaría una violación de derechos y llibertaes individuales como los de llibre Asociación o'l de propiedá.