Güesu
From Wikipedia, the free encyclopedia
El güesu ye un órganu firme, duru y resistente que forma parte del endoesqueleto de los vertebraos. Ta compuestu por texíos duros y blandios. El principal texíu duro ye'l texíu óseo, un tipu especializáu de texíu conectivo constituyíu por célules (osteocitos) y componentes estracelulares calcificados. Los güesos tienen una cubierta superficial de texíu conectivo fibrosu llamáu periostiu y nes sos superficies articulares tán cubiertos por texíu conectivo cartilaxinosu. Los componentes blandos inclúin a los texíos conectivos mieloide texíu hematopoyético y adiposu (grasa) el migollu oseu. El güesu tamién cunta con vasos y nervios que, respeutivamente irrigan y inervan la so estructura.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Güesu | |
---|---|
tipo de clase de estructura anatómica (es) y clase de entidad anatómica (es) | |
órgano animal (es) , producto animal (es) y entidad anatómica particular (es) | |
Los güesos tienen formes bien variaes y cumplen delles funciones. Con una estructura interna complexa pero bien funcional que determina la so morfoloxía, los güesos son llixeros anque bien resistentes y duros.
El conxuntu total y entamao de les pieces ósees (güesos) conforma'l cadarma o sistema esqueléticu. Cada pieza cumple una función en particular y de conxuntu en rellación coles pieces próximes a les que ta articulada.
Los güesos nel ser humanu son órganos tan vitales como los músculos o'l celebru, con una amplia capacidá de rexeneración y reconstitución. Sicasí, vulgarmente tiense una visión del güesu como una estructura inerte, yá que lo que xeneralmente queda a la vista son les pieces ósees —seques y llibres de materia orgánico— de les cadarmes tres la descomposición de los cadabres.