Fibra óptica
From Wikipedia, the free encyclopedia
La fibra óptica ye un mediu de tresmisión, emplegáu davezu en redes de datos y telecomunicaciones, consistente nun filo bien finu de material tresparente, vidriu o materiales plásticos, pol que s'unvien pulsus de lluz que representen los datos a tresmitir. El fexe de lluz quedo dafechu confináu y arrobínase pel interior de la fibra con un ángulu de reflexón percima del ángulu llende de reflexón total, en función de la llei de Snell. La fonte de lluz puede ser un láser o un diodu led.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Les fibres utilícense llargamente en telecomunicaciones, yá que dexen unviar gran cantidá de datos a una gran distancia, con velocidaes similares a les de la radio y superiores a les d'un cable convencional. Son el mediu de tresmisión per cable más avanzáu, al ser inmune a les interferencies electromagnétiques, y tamién s'utilicen pa redes locales onde se precise aprovechar les ventayes de la fibra óptica sobre otros medios de tresmisión.