Renfe Cercaníes AM
From Wikipedia, the free encyclopedia
Renfe Cercaníes AM (en castellanu, Renfe Cercanías AM), davezu referida como "Feve" —y conocida internamente tamién como Renfe Anchu Métricu — ye una división comercial de Renfe, principal operador ferroviariu públicu español d'ámbitu estatal. Feve ufierta distintos servicios de tresporte de pasaxeros, tanto rexonales como de cercaníes, nes comunidaes autónomes de Galicia, Principáu d'Asturies, Cantabria, País Vascu, Castiella y Llión y Rexón de Murcia.
Renfe Cercaníes AM | |
---|---|
Operador ferroviariu | |
Llocalización | |
Sede | España |
Direición | España |
Historia | |
Fundación | 1r xineru 2013 |
Sector | |
Industria | transporte ferroviario de pasajeros (es) |
Participación empresarial | |
Organización matriz | Renfe Operadora |
Web oficial | |
L'actividá de Renfe Feve desenvuélvese al traviés de la rede ferroviaria de vía estrecha propiedá del Adif, siendo esta la so diferencia frente a les divisiones Renfe Media Distancia y Renfe Cercaníes de la mesma compañía, qu'operen la totalidá de los sos servicios por trazaos d'anchu ibéricu, solo sacante la llinia C-9 del nucleu de cercaníes de Renfe en Madrid, que tamién ye d'anchu métricu.
La división ye heredera de los servicios de pasaxeros ufiertaos primeramente pola entidá pública empresarial Ferrocarriles Españoles de Vía Estrecha (FEVE),operadora propiedá del Estáu fundada en 1965, que s'encargaba d'ellos xunto col tresporte de mercancíes, lo mesmo que de la xestión les estaciones y les infraestructures de los mesmos, al igual que fizo la Rede Nacional de los Ferrocarriles Españoles (RENFE) cola rede d'anchu ibéricu hasta 2005. FEVE sumió'l 31 d'avientu de 2012, pola mor del plan del Gobiernu para la unificación de los operadores estatales de vía ancha y estrecha.