Federico Franco
From Wikipedia, the free encyclopedia
Luis Federico Franco Gómez (24 de xunetu de 1962, Asunción) ye un políticu y médicu ciruxanu paraguayu, que foi'l 55º Presidente de la República de Paraguái dende'l 22 de xunu de 2012 al 15 d'agostu de 2013. Asumió'l cargu nel so calter de vicepresidente, tres la destitución del so predecesor Fernando Lugo, por aciu un criticáu xuiciu políticu que xeneró una crisis política con repercusión internacional. El so gobiernu foi curtiu, pero foi reiteradamente denunciáu como responsable de politización partidaria del estáu y de diverses práutiques de corrupción.
Federico Franco | |||
---|---|---|---|
22 xunu 2012 - 15 agostu 2013 ← Fernando Lugo - Horacio Cartes → | |||
Vida | |||
Nacimientu | Asunción, 24 de xunetu de 1962 (61 años) | ||
Nacionalidá | Paraguái | ||
Estudios | |||
Estudios | Universidá Nacional d'Asunción | ||
Oficiu | políticu, ciruxanu | ||
Premios | |||
Creencies | |||
Relixón | catolicismu | ||
Partíu políticu | Partido Liberal Radical Auténtico (es) | ||
Antes d'asumir la vicepresidencia'l 15 d'agostu de 2008, tamién ocupó'l cargu de gobernador del Departamentu Central, pol periodu 2003 - 2008, pero arrenunció a finales del añu 2007 pa poder realizar la so campaña política col fin de llegar al poder, xunto col so compañeru de fórmula, Fernando Lugo, qu'entós daquella aspiraba a la presidencia.
Franco pertenez al Partíu Lliberal Radical Auténticu, el segundu partíu políticu con más afiliaos del Paraguái. Llegó a la vicepresidencia gracies a una coalición conformada por dellos partíos políticos, movimientos y sectores sociales, denominada Alianza Patriótica pal Cambéu, que tenía como mayor aliáu al so partíu. Pa ser presidente, cuntó col sofitu de los principales partíos de derecha de Paraguái y del PDP (aliáu nesi entós eleutoralmente al PLRA).