Fe Bahá'i
From Wikipedia, the free encyclopedia
La Fe Bahá'í , tamién denominada como behaísmu o bahaísmu, ye una relixón monoteísta na que los sos fieles siguen les enseñances de Bahá'u'lláh, el so profeta y fundador. Bahá'u'lláh enseñó qu'hai un únicu Dios que va revelando la so voluntá a la humanidá de manera progresiva. Según el puntu de vista bahá'í, caúna de les grandes relixones introducíes polos Mensaxeros de Dios —como Moisés, Krishna, Buda Gautama, Zoroastru, Xesucristu, Mahoma y El Báb— constitúin etapes socesives nel desenvolvimientu espiritual de la civilización. Los bahá'ís creen que Bahá'u'lláh foi'l más recién d'estos mensaxeros y que les sos enseñances tán empobinaes a los nuevos retos morales y espirituales de la nuesa dómina. Como tal, la Fe Bahá'í inclúyese ente les relixones abrahámiques.
Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
Fe Bahá'í | |
Fundador | Bahá'u'lláh |
Deidá máxima | Dios |
Tipu | Monoteísmu |
Nome y númberu de siguidores | Bahá'ís, unos 6 millones |
Llibru Más Sagráu | Kítab-i-Aqdas |
Llingua llitúrxica | Cada individuu ye llibre de lleer na so propia llingua |
Llingua de los testos sagraos orixinales | árabe y persa |
Naz en | Irán |
Sede | Haifa (Israel) |
País con mayor cantidá de bahá'ís | India (2 millones) |
Sistema organizativu | Asamblees Espirituales Locales, Asamblees Espirituales Nacionales y Casa Universal de Xusticia (Miembros escoyíos democráticamente) |
Símbolu | Estrella de nueve puntes |
Relixones rellacionaes | xudaísmu, cristianismu, islamismu, hinduismu, budismu, zoroastrismu, babismu |
Según l'Anuariu de la Enciclopedia Británica de 1992, la Fe Bahá'í ye la segunda relixón más estendida nel mundu ente les relixones independientes, d'alcuerdu al númberu de países en que s'atopa representada: ta establecida en 247 países y territorios. Los bahá'ís provienen d'ente más de 2.100 grupos étnicos, raciales y tribales, y totalicen aproximao seis millones de fieles nel mundu. Los principales pasaxes de los testos sagraos bahá'ís traduciéronse a 802 idiomes. La idea central de la Fe Bahá'í xira en redol a la humanidá como una única raza y al día de la so unificación nuna sociedá mundial.