Estadiu Ciudá de Mánchester
From Wikipedia, the free encyclopedia
L'Estadiu Ciudad de Mánchester (City of Manchester Stadium n'inglés), conocíu dende 2011 como Etihad Stadium por razones de patrociniu,[1] tamién conocíu como COMS o Eastlands, ye un estadiu asitiáu na ciudá de Mánchester, que ye l'estadiu oficial del Manchester City. Orixinalmente foi diseñáu pa la candidatura fallida de Mánchester p'allugar los Xuegos Olímpicos de branu de 2000. Finalmente, l'estadiu foi construyíu pa los Xuegos de la Mancomunidá de 2002 con un costu económicu de la so construcción de 110 millones de llibres esterlines. Tres la finalización de los xuegos, l'estadiu foi convertíu nun campu de fútbol y convirtióse na sede habitual del Manchester City Football Club, que xuega na FA Premier League. El Manchester City dexó'l so antiguu campu de Maine Road en 2003, roblando un contratu d'arrendamientu pol que podría xugar los sos partíos como llocal nel Estadiu Ciudá de Mánchester mientres 250 años.[2] La so direición ye Rowsley Street, Manchester M11 3FF.
Estadiu Ciudá de Mánchester | |
---|---|
estadiu de fútbol, estadio de rugby a 15 (es) y rugby league venue (en) | |
Llocalización | |
País | Reinu Xuníu |
Nación constitutiva | Inglaterra |
Rexón | Noroeste d'Inglaterra |
Condáu ceremonial | Gran Mánchester |
Conceyu metropolitanu | Mánchester (es) |
Coordenaes | 53°28′59″N 2°12′01″W |
Historia y usu | |
Xuegos de la Mancomunidá de 2002 | 2002 |
Eurocopa Femenina 2005 (es) | 2005 |
Copa Mundial de Rugby de 2015 (es) | 2015 |
Dueñu | Manchester City Council (en) |
Xestión | Manchester City Football Club |
Deporte |
fútbol rugby league |
Usuariu | Manchester City Football Club |
Aforu | 55 017 |
Categoría UEFA | Categoría 4 |
Arquiteutura | |
Arquiteutu/a |
KSS Design Group (en) Populous (es) |
Inxenieru d'estructures |
Arup (es) Sinclair Knight Merz (en) STRI Group (en) |
Costu | 112 000 000 £ |
Web oficial | |
L'estadiu tien forma ovalada, con dos graes gradiaes arrodiando tol terrén de xuegu y una tercer grada nos dos llaterales del mesmu con una capacidá pa 55 097 espectadores. El 4 d'ochobre de 2006 anuncióse qu'allugaría la final de la Copa de la UEFA de 2008.