Elementu sintéticu
From Wikipedia, the free encyclopedia
En química, un elementu sintéticu ye un elementu químicu que nun apaez de forma natural na Tierra, y namái puede ser creáu artificialmente. Hasta'l momentu, creáronse 26 elementos sintéticos (los que tienen númberos atómicos 95-118). Toos son inestables, descomponiéndose con vides medies que van dende 15,6 millones d'años a unos pocos cientos de microsegundos.
Otros cinco elementos fueron primeru creaos artificialmente, y polo tanto consideraos sintéticos, anque más tarde afayóse qu'apaecíen de forma natural (en cantidaes de traces); ente ellos el plutoniu primeru sintetizáu en 1940—, el más conocíu de los profanos, por cuenta del so usu en bombes atómiques y reactores nucleares.
El 31 d'avientu de 2015, un equipu d'investigadores del centru nipón Riken confirmó la identificación del elementu númberu 113 de la tabla periódica, de calter sintéticu y col nome provisional d'ununtrio.