Eleiciones municipales de 2015 na provincia de Málaga
From Wikipedia, the free encyclopedia
Les eleiciones municipales de 2015 na provincia de Málaga, como nel restu d'España, celebráronse'l 24 de mayu. Anque sufrió una perda considerable de votos al respeutive de los comicios municipales anteriores, el Partíu Popular impúnxose una vegada más como'l partíu más votáu na provincia, según na mayoría de los grandes conceyos, incluyida la capital, Málaga. Sicasí, el Partíu Socialista, el segundu más votáu, llogró un mayor númberu de conceyales en total. Izquierda Xunida compitió en candidatures d'unidá popular sol nome pa la Xente. Foi'l tercer partíu más votáu ya igualmente el terceru en númberu de conceyales llograos. Los llamaos partíos emerxentes entraron con fuercia na mayoría de los consistorios de los grandes conceyos. Ciudadanos asitióse como'l cuartu partíu más votáu y llogró faese cola alcaldía de Mijas tres un pactu col PP, al cual Ciudadanos sofitó na alcaldía de la capital y nel gobiernu de la diputación.[1] Les candidatures sofitaes o inspiraes por Podemos y el 15M presentaronse so distintos nomes, siendo dos d'elles, Málaga Agora y Costa del Sol Sí Puede, la quinta y sesta formación más votada. A lo último, el Partíu Andalucista y Unión Progreso y Democracia completen les llista de los partíos que consiguieron más d'un 1% de los votos.
Eleiciones municipales de 2015 na provincia de Málaga | |||||||||||
Sicasí la victoria xeneral del PP, los pactos post-eleutorales llograron desolajar a esti partíu de delles alcaldíes importantes como Marbella, Benalmádena, Torremolinos, Vélez-Málaga y Rincón de la Victoria. Asina, en Marbella, el socialista José Bernal fíxose cola alcaldía desbancando a la popular Ánxeles Muñoz col sofitu d'IX, Opción Sampedreña y Costa del Sol Sí Puede, magar esti postreru non se integraró nel gobiernu municipal. En Torremolinos los comicios punxeron fin a 20 años de mayoríes absolutes de Pedro Fernández Montes por un pactu a cuatro ente PSOE, Ciudadanos, Costa del Sol Sí Puede ya IX. En Benalmádena formóse un gobiernu en minoría compuestu pol PSOE, IX y Alternativa por Benalmádena, pero pa la invistidura del socialista Víctor Navas fixo falta'l sofitu de Ciudadanos y de Costa del Sol Sí Puede. Tamién en minoría, el socialista Antonio Moreno foi investido alcalde de Vélez-Málaga colos votos de PA, Grupu Independiente Pro Conceyu de Torre del Mar ya IX, que nun entró nel equipu de gobiernu. Nel casu de Rincón de la Victoria otru alcuerdo cuatripartitu ente PSOE, IX, Agora Rincón y PA estableció a la socialista Encarnación Anaya, alcaldesa mientres dos años, periodu tres el cual va ser sustituyida porr Antonio Moreno, d'Agora Rincón.[2]