Edictu de Milán
From Wikipedia, the free encyclopedia
L'Edictu de Milán (llatín: Edictum Mediolanense), conocíu tamién como La tolerancia del cristianismu, foi promulgáu en Milán nel añu 313 y nél establecía la llibertá de relixón nel Imperiu romanu, dando fin a les persecuciones empobinaes poles autoridaes contra ciertos grupos relixosos, particularmente los cristianos. L'edictu foi robláu por Constantín I el Grande y Licinio, dirixentes de los imperios romanos d'Occidente y Oriente, respeutivamente.
La investigadora italiana Edvige Abete indica nel so artículu «Costantino y l'editto 'che non c'è'» («Constantino y l'edictu "que nun esiste"») que dichu edictu probablemente nun foi promulgáu.[1]
Nel momentu de la promulgación del edictu, esistíen nel Imperiu cerca de 1500 sedes episcopales y siquier de cinco a siete millones de habitantes de los 50 que componíen l'imperiu profesaben el cristianismu.[2] Dempués de l'aprobación, empecipióse la etapa conocida polos historiadores cristianos como la Paz de la Ilesia.