Cámara de los Lores
cámara alta del parlamentu del Reinu Xuníu / From Wikipedia, the free encyclopedia
La Cámara de los Lores (n'inglés: House of Lords; el so nome completu ye The Right Honourable the Lords Spiritual and Temporal of the United Kingdom of Great Britain and Northern Ireland in Parliament assembled : los Bien Honorables Lores espirituales y temporales del Reinu Xuníu de Gran Bretaña ya Irlanda del Norte aconceyaos nel Parllamentu) ye la cámara Alta del parllamentu del Reinu Xuníu. El parllamentu tamién inclúi al Soberanu, y a la Cámara Baxa, llamada la Cámara de los Comunes. Dambes Cámares celebren les sos sesiones nel Palaciu de Westminster.
Cámara de los Lores | |
---|---|
Datos xenerales | |
Tipu | house of lords (en) |
Estáu | Reinu Xuníu |
Sede | Palaciu de Westminster |
Parte de | Parllamentu del Reinu Xuníu |
Composición | |
Númberu d'escaños | 808 |
Más información | |
parliament.uk… | |
Al contrariu de lo qu'asocede na Cámara de los Comunes, los miembros de la Cámara de los Lores nun s'escueyen por aciu eleiciones, estremándose según el so derechu a formar parte de la Cámara en Lores Espirituales y Lores Temporales. Los Lores Espirituales son 26 obispos escoyíos pol so prestíu y dilatada carrera eclesiástica dientro de la Ilesia anglicana. Los Lores Temporales conformen el restu, siendo la mayoría miembros con derechu vitaliciu non hereditariu, nomaos pola Reina col asesoramientu del Primer Ministru. Y esto ye asina porque, d'antiguo, el derechu a formar parte de la Cámara de los Lores como Lores Temporales yera puramente hereditariu; pero anguaño, y tres socesives reformes, los miembros por heriedu d'esta Cámara son namái una pequeña porción. Dende marzu de 2010, la Cámara de los Lores cunta con 733 miembros, 83 más que la Cámara de los Comunes, que cunta con 650.
El Lord Speaker (presidente de la Cámara) ye'l barón Fowler.