Cromodinámica cuántica
From Wikipedia, the free encyclopedia
La cromodinámica cuántica (QCD) ye una teoría cuántica de campos que describe una de les fuercies fundamentales, la interacción fuerte. Foi propuesta a empiezos de los años 70 por David Politzer, Frank Wilczek y David Gross como teoría pa entender la estructura de bariones (coleutivos de trés quarks, como protones y neutrones) y mesones (pares quark-antiquark, como los piones).[1] Pol so trabayu en cromodinámica cuántica, a Gross, Wilczek y Politzer foi-yos concedíu'l Premiu Nobel de Física en 2004.
El nome «cromodinámica» vien de la pallabra griega chromos (color). Esti nome ye oportunu yá que a la carga de los quarks, partícules básiques dientro d'esta teoría, desígnase-y como carga de color; anque nun ta rellacionada cola perceición visual del color. La cromodinámica cuántica ye una parte bien importante del modelu estándar de la física de partícules.