Comunicación
From Wikipedia, the free encyclopedia
La comunicación[1] (del llatín communicatĭo, -ōnis) ye l'actividá consciente d'intercambiar información ente dos o más participantes col fin de tresmitir o recibir significaos al traviés d'un sistema compartíu de signos y normes semántiques. Los pasos básicos de la comunicación son la formación d'una intención de comunicar, la composición del mensaxe, la codificación del mensaxe, la tresmisión de la señal, la receición de la señal, la decodificación del mensaxe y finalmente, la interpretación del mensaxe per parte d'un receptor.
Comunicación | |
---|---|
habilidad social (es) , comportamiento social (es) y tipo de proceso (es) | |
intercambio de información (es) | |
La comunicación polo xeneral toma llugar ente tres categoríes de suxetos principales: los seres humanos (llinguaxe), los organismos vivos (biosemiótica) y los dispositivos de comunicación habilitaos (cibernética).
Nun sentíu xeneral, la comunicación ye la unión, el contautu con otros seres, y puede definise como'l procesu por aciu el cual tresmítese una información d'un puntu a otru.
Toles comunicaciones, sían intencionales o nun tienen dalgún efeutu. Y tán compuestes por una serie d'elementos de la comunicación. El so propósitu o oxetivu puede denominase so l'aición d'informar, xenerar aiciones, crear un entendimientu o tresmitir cierta idea.