Compromís
partíu políticu español / From Wikipedia, the free encyclopedia
Compromís ye una coalición política española d'ámbitu valencianu, creada pol Bloc Nacionalista Valencià (Bloc), Iniciativa del Poble Valencià (Iniciativa) y Els Verds - Esquerra Ecoloxista del País Valencià (EV-EE). Esti postreru partíu foi sustituyíu n'ochobre de 2014 por Verds-Equo del País Valencià (Verds). Ta formada tanto polos militantes de Compromís como polos militantes de los partíos que formen parte d'ella.[8][9]
Coalició Compromís | |
---|---|
Fundadores | Bloc Nacionalista Valencià, Iniciativa del Poble Valencià, Els Verds-Esquerra Ecologista del País Valencià (es) y Més - Compromís (es) |
Voceru/a |
Fran Ferri (Cortes Valencianes) |
Fundación | 25 de xineru de 2010[1] |
Sede |
Plaza del Pilar, 1 46001 Valencia |
Estáu | España |
Afiliaos | 24 526 (2015) |
Ideoloxía política |
Nacionalismu valenciano[2][3][4][5] Feminismu Ecoloxismu[2][3][4][5] Ecosocialismu Progresismu[2][3] Rexonalismu |
Posición nel espectru | Izquierda[2][6][5] |
Organización de mocedá |
Joves amb Compromís:
|
Afiliación internacional |
|
Páxina web | compromis.net |
Creóse en xineru de 2010 como una coalición eleutoral pa participar conxuntamente nes eleiciones autonómiques y municipales de 2011, y por cuenta de les sos resultaos positives reeditóse la coalición pa les eleiciones xenerales del 20 de payares de 2011, pa les cualos xuntóse'l partíu Equo a la coalición.[10] Amás d'esto la coalición cunta col sofitu d'otros coleutivos y partíos políticos, como Projecte Obert,[11][12] Los Verdes de Villena[13] o Partíu Verde Européu.[14] En xunetu de 2012 se dotó d'una executiva de 21 miembros encabezada por Enric Morera, del BLOC, y Mónica Oltra, d'Iniciativa, como coportavoces.[15]
Les llinies directrices de la coalición inciden en "la confluencia del nacionalismu valencianu progresista, la izquierda moderna y l'ecoloxismu políticu,[2] como "alternativa eleutoral real", esto ye, "l'aplicación d'un nuevu modelu de desenvolvimientu sostenible que ponga énfasis en superar les faltes del modelu económicu vixente, según una profundización nel autogobiernu de la comunidá autónoma y la defensa del valencianu".[2]