Cabruñana (parroquia)
parroquia del conceyu de Grau (Asturies) / From Wikipedia, the free encyclopedia
Cabruñana ye una parroquia del conceyu asturianu de Grau. Ocupa los 2,82 km² del estremu noroccidental del conceyu. Llenda al norte col conceyu de Candamu y al oeste col de Salas, al sur cola parroquia moscona d'El Freisnu y al oeste cola de San Xuan. Nos dos sos únicos nucleos de población, Cabruñana y Los Llanos, viven 34 hab. (2020)[2][3].
Cabruñana | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | Grau |
Partíu xudicial | Grau |
Tipu d'entidá | parroquia d'Asturies |
Xeografía | |
Coordenaes | 43°23′54″N 6°07′20″W |
Superficie | 2.82 km² |
Altitú | 359 m[1] |
Llenda con | San Xuan, El Freisnu, Doriga, Santolín, San Esteban y Praúa |
Demografía | |
Población | 34 hab. (2020) |
Porcentaxe |
0.35% de Grau 0% de provincia d'Asturies 0% de Principáu d'Asturies 0% de España |
Densidá | 12,06 hab/km² |
Más información | |
Estaya horaria | UTC+01:00 |
El llugar homónimu, de 32 habitantes, s'asitia nel altu La Cabruñana, un colláu de 375 m d'altor que dixebra les cuenques de los ríos Nalón y Narcea y que foi,de siempres, llugar de pasu pa los que diben de les Asturias de Oviedo a les Asturies de Tineo. Pola so situación estratéxica la rodiada del pueblu ye bayurosa en restos arqueolóxicos: hai delles necrópolis tumulares y un conxuntu amuralláu conocíu como Castiellu El Pedréu. El llugar aparez conseñáu en munchos documentos medievales, tanto pol so calter de llende ente los territorios de l'Asturies central y la occidental como por haber nelli una malatería que funcionó, a lo menos, dende'l 1267 hasta 1770. Anguaño namái que queda, n'alcordanza d'aquello, el nome eclesiásticu de la parroquia, que ta consagrada a Santa María Magdalena. Y ello porque yera vezu, allá ú había una malatería, que la institución tuviera dedicada a San Llázaru, mentantu que la ilesia parroquial se consagraba n'honor d'esa santa. L'actual ilesia foi llevantada nel 1967 siendo benefactores la familia Fernández de la Torre, según se fai saber nuna placa que ta a la vera la puerta.