Billingüismu en Canadá
From Wikipedia, the free encyclopedia
El billingüismu en Canadá fai referencia a les lleis y polítiques del gobiernu federal —y d'otros niveles de gobiernu— qu'obliguen a ciertos servicios y escritos tar disponibles al públicu n'inglés y francés. La población del país ye, con gran mayoría, monollingüe, pos namái'l 18% de los canadienses puede falar con fluidez tanto inglés como francés.[1] Munches persones consideren polémiques estes polítiques billingües, especialmente los que sofiten el movimientu de soberanía de Québec y munchos conservadores.
A nivel provincial, namái Nueva Brunswick ye oficialmente billingüe (según la seición 16 de la Carta Canadiense de los Derechos y les Llibertaes), anque toles provincies ufierten dellos servicios y hasta la educación secundaria nos dos llingües oficiales. Los trés territorios son oficialmente billingües. Son tamién oficiales delles llingües aboríxenes nos Territorios del Noroeste, y el inuktitut ye llingua oficial en Nunavut.