Bética
From Wikipedia, the free encyclopedia
La Bética (en llatín, Bætica) foi una de les provincies romanes qu'esistieron na península ibérica, llamada polos romanos Hispania. Tomó'l so nome del ríu Betis (en llatín Bætis), llamáu anguaño río Guadalquivir; la so capital na dómina romana foi la Colonia Patricia Corduba, l'actual ciudá española de Córdoba, n'Andalucía. Darréu, nel periodu visigodu, la capital pasó a ser Hispalis, l'actual ciudá de Sevilla.
Bética | |
---|---|
Alministración | |
Rexón histórica | [[Hispania|{{{2}}} |
Tipu d'entidá | provincia romana |
Capital | Corduba (es) |
Nome llocal | Baetica (la) |
Xeografía | |
Coordenaes | 37°50′58″N 5°00′26″W |
Llenda con | Lusitania y Tarraconense |
Demografía | |
La Bética tuvo una importante aportación al conxuntu del Imperiu romanu, tanto económica como cultural y política. Nel terrén económicu foi bien significativa la estraición de minerales (oru, plata, cobre y plomu) y l'agricultura, cola producción y esportación sobremanera de ceberes, aceite y vinu, estos dos últimos especialmente famosos en tol Imperiu xunto col garum. Nel terrén políticu, la Bética foi mientres enforma tiempu una provincia senatorial que, por cuenta del so altu grau de romanización, dependía del poder políticu del Senáu, non del poder militar del Emperador. Nella llibró la decisiva batalla de Munda ente populares y optimates, partidarios de César y Pompeyu respeutivamente. Amás dio a Roma los emperadores Traxanu y Adriano, naturales d'Itálica, y al filósofu cordobés Séneca.