Atentáu de Sarayevu
From Wikipedia, the free encyclopedia
El atentáu de Sarayevu ye'l términu col que se conoz al asesinatu, el 28 de xunu de 1914, del herederu de la corona del Imperiu austrohúngaru, l'archiduque Francisco Fernando d'Austria, y de la so esposa, la duquesa Sofía Chotek, en Sarayevu, capital de la provincia imperial de Bosnia y Herzegovina. L'atentáu foi perpetáu por Gavrilo Princip, miembru del grupu Moza Bosnia, movimientu que'l so oxetivu yera la emancipación de Bosnia d'Austria-Hungría, que cuntó col sofitu de círculos d'intelixencia y militares del Reinu de Serbia.
Atentáu de Sarayevu | |
---|---|
Llocalización | |
País | Bosnia y Herzegovina |
Entidá territorial alministrativa | [[Federación de Bosnia y Herzegovina|{{{2}}} |
Cantón | [[Cantón de Sarayevu|{{{2}}} |
Ciudá | [[Sarayevu|{{{2}}} |
Llocalización | puente Latino (es) |
Coordenaes | 43°51′29″N 18°25′44″E |
Datos | |
Parte de | causes de la Primer Guerra Mundial |
Oxetivu | Franz Ferdinand |
Autor principal | Gavrilo Princip |
Armes | FN Modelo 1910 (es) |
Fecha | 28 de xunu de 1914 |
Provocó | Primer Guerra Mundial |
Víctimes | |
Númberu de firíos | 20 |
Númberu de muertes | 2 |
Víctimes | Franz Ferdinand y Sofía Chotek |
Al mandu de los conspiradores militares taben Dragutin Dimitrijević, xefe del espionaxe serbiu; el so brazu derechu, el mayor Vojislav Tankosić y l'espía Rade Malobabić. Tankosić armó y entrenó a los executores del atentáu y Malobabić dio-yos accesu a les rutes clandestines utilizaes polos axentes serbios para infiltrar espíes y armamentu n'Austria-Hungría.
Tolos arreyaos nel atentáu qu'entá taben vivos fueron prindaos, xulgaos, condergaos y castigaos. Aquellos que fueron prindaos en Bosnia fueron xulgaos en Sarayevu, n'ochobre de 1914. El restu de conspiradores fueron sometíos a una corte serbia nel frente de Salónica —ente 1916 y 1917 so control francés—. Esto remató cola execución de los trés principales oficiales arreyaos. Gran parte de lo que se conoz sobre los asesinatos del archiduque y la so esposa tuvo orixe na información llograda nesos xuicios.
La verdadera responsabilidá sobre l'atentáu ye una tema revesosa una y bones l'ataque supunxo l'españíu de la Primer Guerra Mundial un mes dempués.