Archidiócesis de Medellín
From Wikipedia, the free encyclopedia
L'Archidiócesis de Medellín (en llatín: Archidioecesis Medellensis) ye una xurisdicción eclesiástica de la Ilesia católica en Colombia, sede metropolitana de la provincia eclesiástica de Medellín, con cuatro diócesis sufragáneas: Caldas, Girardota, Xericó y Sonsón-Rionegro.[1] La xurisdicción de la archidiócesis entiende'l territoriu de los conceyos de Medellín, Bello, Envigado, Itagüí, Sabaneta, La Estrella y Copacabana, dientro del Área Metropolitana de Medellín, nel departamentu d'Antioquia.[2]
Archidiócesis de Medellín | |
---|---|
archidiócesis metropolitana católica romana (es) | |
Llocalización | |
País | Colombia |
Departamentu | [[d:Special:EntityPage/Q123304|{{{2}}} |
Conceyu | [[d:Special:EntityPage/Q48278|{{{2}}} |
Sede | Medellín |
Direición | Colombia |
Historia | |
Fundación | 24 febreru 1902 |
Organigrama | |
Presidente | Ricardo Tobón Restrepo (16 febreru 2010) |
Bolsa de valores | provincia eclesiástica de Medellín (es) |
Web oficial | |
La sede episcopal de Medellín foi establecida'l 14 de febreru de 1868 col nome de «Diócesis de Medellín - Antioquia»; dempués el 29 de xineru de 1872 pasa a llamase a cencielles Diócesis de Medellín y el 24 de febreru de 1902, foi alzada a sede Metropolitana, col nome de Archidiócesis de Medellín.
L'actual arzobispu metropolitanu, monseñor Ricardo Antonio Tobón Restrepo,[3] foi nomáu'l 16 de febreru de 2010 y tomó posesión de la archidiócesis el 8 de mayu siguiente. La sede titular del arzobispu ye la Catedral Basílica de la Inmaculada Concepción de María, más conocida popularmente como la Catedral Metropolitana».
La archidiócesis cuenta con 323 parroquies, 12 cuasiparroquias y un templu non parroquial, toma unos 687,54 km² nos qu'habiten unes 3 376 000 persones, de les cualos 2 934 000 son católiques, esto ye el 86,9% de la población,[4] que son atendíos por 1 062 sacerdotes. Amás, l'arzobispáu ye práuticamente urbanu, pos el 97% de la población de la so xurisdicción vive nes árees urbanes.[5]
Pa formar a los aspirantes al sacerdociu, l'arzobispáu cunta con 4 seminarios arquidiocesanos; nel campu de la educación, ufierta a la comunidá importantes centros d'enseñanza media y cimera como la Universidá Pontificia Bolivariana y la Institución Universitaria Salazar y Herrera. La archidiócesis tien una gran riqueza arquitectónica en templos y santuarios, de los qu'ocho fueron declaraos Monumentu nacional.[6]
La archidiócesis foi sede de la II Conferencia Xeneral del Episcopáu Llatinoamericanu en 1968 y recibió les visites pontificies de Xuan Pablo II en xunetu de 1986 y de Francisco en setiembre de 2017. Amás, el 11 d'avientu de 2002, la archidiócesis de Medellín foi condecorada pol Gobiernu de Colombia cola Orde de Boyacá nel grau de Cruz de Plata, en reconocencia al so llabor educativo y social.[7].