Alotropía
From Wikipedia, the free encyclopedia
Alotropía (cambéu, xiru) ye la propiedá de delles sustancies simples de tener estructures atómiques o moleculares distintes.[1] Les molécules formaes por un solu elementu y que tienen distinta estructura molecular llámense alótropos.
- Osíxenu. Puede esistir como osíxenu atmosférico (O2) y como ozonu (O3), que xenera'l golor caltriante distintivu nes proximidaes de les cayíes d'agua.[2]
- Fósforu. Manifiéstase como fósforu coloráu (P4) y como fósforu blancu (P4), de carauterístiques físiques distintes.[3] Dambos tienen la mesma fórmula química, una y bones lo que-y da propiedaes distintes ye la so estructura interna.
- Carbonu. Variedaes alotrópicas: grafitu, diamante, grafeno, nano tubos de carbonu, fullereno y carbonu.[4]
Nel estáu sólidu les propiedaes alotrópicas asoceden n'elementos d'una mesma composición, pero aspecto distintes. Poro, la propiedá tien d'asoceder nel mesmu estáu d'agregamientu de la materia.
La esplicación de les diferencies de propiedaes atopóse na disposición espacial de los átomos.[5] Por casu, nos cristales de diamante cada átomu de carbonu ta xuníu a cuatro átomos vecinos d'este mesmu elementu, polo cual adopta una ordenación en forma de tetraedru que-y confier una durez particular. La hibridación del carbonu nel diamante ye sp³.
Nel grafitu, los átomos de carbonu tán dispuestos en capes superpuestes. En cada capa ocupen los vértices d'hexágonos regulares imaxinarios.[5] D'esta miente, cada átomu ta xuníu a trés de la mesma capa con más intensidá y a unu de la capa próxima de manera más débil. Nesti casu la hibridación del carbonu ye sp². Esto esplica la llandiura y la untuosidad –al tactu– del grafitu. La mina d'un llapiceru forma'l trazu porque, al movese sobre'l papel, a ésti xúntase una delgada capa de grafitu.
El diamante y el grafitu, por ser dos sustancies simples distintos, sólides, constituyíes por átomos de carbonu, reciben la denominación de variedaes alotrópicas del elementu carbonu.
Una tercer variedá alotrópica del carbonu ye'l fullereno (C60) o buckminsterfullereno (n'honor del arquiteutu Buckminster Fuller, por construyir la cúpula xeodésica na Île Sainte-Hélène, Montreal). Puesto que tien forma de balón de fútbol, al buckminsterfullereno tamién se-y conoz como bucky ball.