Alcalá de Guadaíra
conceyu de la provincia de Sevilla (España) / From Wikipedia, the free encyclopedia
Alcalá de Guadaíra, tamién conocíu como Alcalá de los Panaderos,[2] ye un conceyu español de la provincia de Sevilla, na comunidá autónoma d'Andalucía. Alcalá ta incluyida dientro d'un partíu xudicial propiu qu'abarca'l so términu municipal, polo que ye cabeza de partíu. Cuenta con una población Padrón municipal d'habitantes empadronada de 75.080 habitantes (INE, 2016) y con una amplia población flotante. La so estensión superficial ye de 287 km² y tien una densidá de 261,70 hab/km². Les sos coordenaes xeográfiques son 37º20'N, 5º51'O. Asítiase a una altitú de 47 metros y a 17 quilómetros de la capital de provincia, Sevilla.
Alcalá de Guadaíra | |||||
---|---|---|---|---|---|
| |||||
Alministración | |||||
País | España | ||||
Autonomía | Andalucía | ||||
Provincia | provincia de Sevilla | ||||
Partíu xudicial | Alcalá de Guadaíra | ||||
Tipu d'entidá | conceyu d'España | ||||
Alcaldesa d'Alcalá de Guadaíra | Ana Isabel Jiménez Contreras | ||||
Nome oficial | Alcalá de Guadaíra (es)[1] | ||||
Códigu postal |
41500 | ||||
Xeografía | |||||
Coordenaes | 37°20′N 5°51′W | ||||
Superficie | 284.61 km² | ||||
Altitú | 46 m | ||||
Llenda con | Arahal, Carmona, Los Molares, Utrera, Sevilla, Mairena del Alcor, Los Palacios y Villafranca y Dos Hermanas | ||||
Demografía | |||||
Población |
76 547 hab. (2023) - 37 379 homes (2019) - 37 900 muyeres (2019) | ||||
Porcentaxe |
3.93% de provincia de Sevilla 0% de Andalucía 0.16% de España | ||||
Densidá | 268,95 hab/km² | ||||
Más información | |||||
Estaya horaria | UTC+01:00 | ||||
ciudadalcala.org | |||||
Alcalá de Guadaíra asítiase na contorna de Los Alcores al igual que Carmona, El Viso del Alcor y Mairena del Alcor. Los Alcores constitúin una elevación en forma de pandu inclináu de poco altor que se llevanta metanes la Depresión del Guadalquivir na provincia de Sevilla. A la so mesma vegada, estos conceyos pertenecen alministrativamente a dos comarca distintes, nel casu de Alcalá de Guadaíra pertenez tamién a la Contorna metropolitana de Sevilla. Ye la mayor población de Los Alcores y la tercera tantu del área metropolitana como de tola provincia, tres la mesma capital y la vecina Dos Hermanas.
Cuenta con un patrimoniu histórico y natural de considerable interés, onde destaca'l so castiellu, d'orixe almohade y con posteriores reconstrucciones y ampliaciones cristianes, según un importante espaciu natural articuláu a lo llargo de les riberes del ríu Guadaíra - pertenecientes dende avientu de 2011 a la Rede d'Espacios Naturales Protexíos d'Andalucía, so la figura de proteición de Monumentu Natural - y los sos molinos fortificaos, onde resalta'l conocíu parque y pinar d'Oromana, y la perimportante zona arqueolóxica de Bimba, onde se topen dellos dólmenes.