Abadía de Cluny
From Wikipedia, the free encyclopedia
L'Abadía de Cluny (Cluni o Clugny) asitiada en Francia fundóse na zona de lo que más tarde sería'l conceyu francés homónimu'l 2 de setiembre del añu 909 por Guillermo I d'Aquitania, conde d'Auvernia, que instaló ellí al abá Bernón de Baume, y punxo l'abadía so l'autoridá inmediata del papa Sergio III. L'abadía y la so constelación de dependencies convirtiéronse llueu nel exemplu del tipu de vida relixosu del sieglu XI.
Abadía de Cluny | |
---|---|
Monumentu históricu | |
Cluny (fr) | |
abadía, abadía benedictina (es) y comunidad religiosa (es) | |
Llocalización | |
País | Francia |
Organización territorial | Francia metropolitana |
Rexón | Borgoña-Francu Condáu |
Departamentu | Saona y Loira |
Comuña | Cluny |
Coordenaes | 46°26′05″N 4°39′34″E |
Historia y usu | |
Apertura | 2 setiembre 909 |
Relixón | catolicismu |
Diócesis |
Diócesis de Autun (-Châlon-sur-Saône-Mâcon-Cluny) (es) Abadía territorial de Cluny (es) |
Arquiteutura | |
Estilu | arquiteutura románica |
Patrimoniu | |
Mérimée ID | PA00113220 |
Instalaciones | |
Formáu por | Église abbatiale de Cluny (en) y Chapelle Jean de Bourbon of Abbaye de Cluny (en) |
Web oficial | |
La llocalidá de Cluny, asitiada nel departamentu de Saona y Loira, na rexón de Borgoña, nel centru-este de Francia, creció alredor de l'antigua abadía.
La Orde benedictina foi clave na estabilidá consiguida pola sociedá europea del sieglu XI, y, en parte por cuenta de la so estricta adhesión a un códigu benedictín reformáu, Cluny conviértese nel monesteriu reconocíu como exemplu del estilu de vida monacal n'Occidente dende finales del sieglu X. Una socesión d'abás competentes fueron tamién figures relevantes nel terrén internacional. El mesmu monesteriu de Cluny conviértese nel mayor y más prestixosu monesteriu, y na institución monástica meyor preparada d'Europa. La influyencia de Cluny espárdese dende la segunda metá del sieglu X hasta principios del sieglu XII.
L'abadía foi escalada y destruyida na so mayor parte por una engarradiella de la revolucionarios en 1790. Anguaño namái permanez una pequeña parte del conxuntu arquiteutónicu orixinal.
El Hotel de Cluny de París, datáu alredor de 1334, foi d'antiguo la residencia de los abás de Cluny na ciudá. Convirtióse en muséu públicu en 1833, y amás del so nome, nada lo rellaciona direutamente cola abadía.
Nel añu 2007 l'abadía de Cluny foi considerada como Patrimoniu européu.[1] Anguaño, y dende finales del sieglu XIX, la Gran Escuela d'inxeniería Arts et Métiers ParisTech ta instalada nuna parte de l'abadía.