Área metropolitana de Barcelona
From Wikipedia, the free encyclopedia
L'Área Metropolitana de Barcelona ye una zona xeográfica que va más allá del área alministrativa y foi delimitada primeramente por una llei de 1968 con 3.297 km². Trátase d'una de les árees más poblaes d'Europa, tien urbanizáu'l 48% de los 636 km² que conformen el so territoriu. El restu ta ocupáu por 25 km de sableres y más de 25.000 hectárees de zones naturales. Ocupa una posición estratéxica nel sur d'Europa nel centru del corredor mediterraneu que comunica España col restu del continente. Esta llocalización privilexada dexó-y convertise nel epicentru del territoriu catalán. El so territoriu entiende los ámbitos agrícoles del delta del Llobregat, les zones totalmente urbanizaes del área Barcelona y les grandes árees verdes de los macizos del Garraf, Collserola y la sierra de Marina. En 1987 constituyóse una organización supramunicipal col mesmu nome (Área Metropolitana de Barcelona) con competencies propies en cohesión, equilibriu territorial, vivienda, tresporte y movilidá, ciclu de l'agua, residuos y mediu ambiente. La institución foi anovada y regulada el 27 de xunetu de 2010, cuando'l Parllamentu de Cataluña aprobó por unanimidá la Llei 31/2010, del Área Metropolitana de Barcelona.
Área metropolitana de Barcelona | |
---|---|
Alministración | |
País | España |
Autonomía | Cataluña |
Provincia | provincia de Barcelona |
Tipu d'entidá | división alministrativa |
Xeografía | |
Superficie | 636 km² |
Demografía | |
Población | 3 239 337 hab. (2012) |
Porcentaxe |
56.78% de provincia de Barcelona 41.81% de Cataluña 6.83% de España |
Densidá | 5093,3 hab/km² |
Más información | |
Fundación | 21 xunetu 2011 |
amb.cat | |