বনাঞ্চল ধ্বংস আৰু জলবায়ু পৰিৱৰ্তন
বনাঞ্চল ধ্বংস আৰু গোলকীয় উষ্ণতা বৃদ্ধিৰ মাজত সম্পৰ্ক / From Wikipedia, the free encyclopedia
বনাঞ্চল ধ্বংসই জলবায়ু পৰিৱৰ্তনত(ইংৰাজী: Deforestation and climate change) প্ৰাথমিক অৰিহণা যোগায়[1][2] আৰু জলবায়ু পৰিৱৰ্তনে বনাঞ্চলত প্ৰভাৱ পেলায়।[3] ভূমিৰ ব্যৱহাৰেও এই পৰিৱৰ্তন, বিশেষকৈ বনাঞ্চল ধ্বংসত অৰিহণা যোগায়,[4] দ্বিতীয় বৃহত্তম মানৱজনিত কাৰণ হ’ল জীৱাশ্ম ইন্ধন দহনৰ পিছত বায়ুমণ্ডলৰ কাৰ্বন ডাই অক্সাইড নিৰ্গমন।[5] বনাঞ্চলৰ জৈৱবস্তু দহন আৰু উদ্ভিদৰ অৱশিষ্ট আৰু মাটিৰ কাৰ্বন পচনৰ সময়ত সেউজ গৃহ গেছ নিৰ্গত হয়। গোলকীয় মডেল আৰু ৰাষ্ট্ৰীয় সেউজ গৃহ গেছৰ তথ্যই বনাঞ্চল ধ্বংসৰ নিৰ্গমনৰ বাবে একেধৰণৰ তথ্যই প্ৰকাশ কৰে।[4] ২০১৯ চনৰ এক হিচাপমতে, বনাঞ্চল ধ্বংসই বিশ্বৰ প্ৰায় ১১% সেউজ গৃহ গেছৰ নিৰ্গমনৰ বাবে দায়ী।[6] গ্ৰীষ্মমণ্ডলীয় বনাঞ্চল ধ্বংসৰ পৰা কাৰ্বন নিৰ্গমন ত্বৰান্বিত হৈছে।[7][8] ক্ৰমবৰ্ধমান অৰণ্যসমূহ হৈছে জলবায়ু পৰিৱৰ্তনৰ প্ৰভাৱ কম কৰাৰ অতিৰিক্ত সম্ভাৱনা থকা কাৰ্বন ভাণ্ডাৰ। জলবায়ু পৰিৱৰ্তনৰ আন কিছুমান প্ৰভাৱ, যেনে অধিক বনজুই,[9] পোক-পৰুৱাৰ প্ৰাদুৰ্ভাৱ, আক্ৰমণাত্মক প্ৰজাতি আৰু ধুমুহা আদিয়ে বনাঞ্চল ধ্বংসকাৰ্য বৃদ্ধি কৰাৰ কাৰক।[10][11]
৩১% ভূমি বনাঞ্চলে আগুৰি থকা পৃথিৱীৰ বছৰি ৭৫,৭০০ বৰ্গ কিলোমিটাৰ (১৮.৭ মিলিয়ন একৰ) বনাঞ্চল লুপ্ত হৈ যায়।[12] বিশ্ব সম্পদ প্ৰতিষ্ঠানৰ মতে ২০১৯ চনৰ পৰা ২০২০ চনলৈকে প্ৰাথমিক গ্ৰীষ্মমণ্ডলীয় বনাঞ্চলৰ ক্ষতিৰ পৰিমাণ ১২%লৈ বৃদ্ধি পাইছে।[13]
বনাঞ্চল ধ্বংসক প্ৰায়েই প্ৰাকৃতিক আৰু অপ্ৰাকৃতিক দুয়োটা উপায়েৰে ভূমি বনাঞ্চলৰ পৰা অবনাঞ্চললৈ সলনি হোৱা বুলি বৰ্ণনা কৰা হয়। বনাঞ্চল ধ্বংস আৰু জলবায়ু পৰিৱৰ্তনৰ মাজৰ সম্পৰ্কৰ এটা ইতিবাচক প্ৰতিক্ৰিয়াৰ মেৰপেঁচ ইয়াৰ মাজত অন্যতম।[14] যিমানেই বেছি গছ আঁতৰোৱা হয়, সিমানেই জলবায়ু পৰিৱৰ্তন হয় আৰু তাৰ প্ৰভাৱত সমান সংখ্যক গছ হেৰুৱাবলগীয়া হয়।[15]
বনাঞ্চল ধ্বংস বহু কাৰণে হয়: বন জুই, কৃষি কৰ্ম, পশু পালন, কাঠৰ ব্যৱসায়ৰ বাবে কাঠ কটা, নগৰ উন্নয়ন, পথ উন্নয়ন, গৃহ নিৰ্মাণ আদি।