পশুপতিনাথ মন্দিৰ
কাঠমাণ্ডুত অৱস্থিত হিন্দু মন্দিৰ / From Wikipedia, the free encyclopedia
পশুপতিনাথ মন্দিৰ (ইংৰাজী: Pashupatinath Temple) নেপালৰ ৰাজধানী কাঠমাণ্ডুত অৱস্থিত ভগৱান শিৱৰ এক ৰূপ পশুপতিনাথৰ প্ৰতি উছৰ্গিত হিন্দু মন্দিৰ। কাঠমাণ্ডু উপত্যকাৰ বাগমতী নদীৰ পাৰত এই ঐতিহাসিক মন্দিৰ অৱস্থিত। এই মন্দিৰক ১৯৭৯ চনত কাঠমাণ্ডু উপত্যকাৰ নামত সাতটা কীৰ্তিচিহ্ন গোটৰ অন্যতম হিচাপে ইউনেস্ক'ৰ বিশ্ব ঐতিহ্য ক্ষেত্ৰ তালিকাত অন্তৰ্ভুক্ত কৰা হৈছিল। এই "বিস্তৃত হিন্দু মন্দিৰ চৌহদ" হৈছে "পৱিত্ৰ বাগমতী নদীৰ পাৰত শতিকাজুৰি অৱস্থিত মন্দিৰ, আশ্ৰম, প্ৰতিমূৰ্তি আৰু শিলালিপিৰ বিস্তৃত সংকলন" আৰু ইউনেস্ক'ৰ কাঠমাণ্ডু উপত্যকাৰ নাম দিয়া সাতটা কীৰ্তিচিহ্ন গোটৰ ভিতৰত অন্যতম।[1] ২৪৬ হেক্টৰ (২,৪৬০,০০০ বৰ্গ মিটাৰ) এলেকাত নিৰ্মিত এই বৃহৎ মন্দিৰ চৌহদত ৫১৮টা সৰু মন্দিৰ আৰু এটা মূল মন্দিৰ অন্তৰ্ভুক্ত কৰা হৈছে। এই মন্দিৰটো অন্যতম পাদল পেট্ৰা স্থলম হিচাপে জনাজাত।
পশুপতিনাথ মন্দিৰ | |
---|---|
২০২০ চনত পশুপতিনাথ মন্দিৰ | |
স্থান | |
দেশ | নেপাল |
অঞ্চল | বাগমতী প্ৰদেশ |
জিলা | কাঠমাণ্ডু |
এলেকা | কাঠমাণ্ডু |
স্থান | কাঠমাণ্ডু |
স্থানাংক | 27°42′35″N 85°20′55″E |
স্থাপত্য আৰু সংস্কৃতি | |
স্থাপত্য শৈলী | পাগোডা |
পশুপতিনাথ ক্ষেত্ৰ শৈৱ, শাক্ত, বৈষ্ণৱ, বৌদ্ধ, জৈন, সৌৰ, গণপত, নাথ, শিখ ইত্যাদি প্ৰধান সম্প্ৰদায়ৰ ভক্তসকলৰ উমৈহতীয়া বিশ্বাস আৰু ভক্তিৰ কেন্দ্ৰ হৈ আহিছে। পশুপতি অঞ্চলত বিভিন্ন স্মৃতিসৌধ আৰু পূজাস্থলীও আছে।[2]