ক'ভিড-১৯ বৈশ্বিক মহামাৰী
বিশ্বজুৰি চলি থকা কৰ'নাভাইৰাছ ৰোগ ২০১৯ৰ ঘটনা / From Wikipedia, the free encyclopedia
২০১৯ − ২০২০ চনৰ ক'ৰ'ণা ভাইৰাছৰ প্ৰকোপ বা ২০১৯ − ২০২০ চনৰ ক'ৰ'ণা ভাইৰাছৰ বৈশ্বিক মহামাৰী (ইংৰাজী: 2019–20 coronavirus pandemic) হৈছে বৰ্তমান বিশ্বজুৰি চলি থকা ক'ৰ'ণা ভাইৰাছৰ দ্বাৰা সংক্ৰমিত হোৱা ক'ৰ'না ভাইৰাছ ৰোগ ২০১৯ৰ ঘটনা।[6] এই ৰোগৰ কাৰক হ'ল SARS-CoV-2 যি ২০১৯ বৰ্ষত চীনৰ হুবেই প্ৰান্তৰ ৱুহান চহৰত প্ৰথম চিনাক্ত হৈছিল। ২০২০ বৰ্ষৰ ১১ মাৰ্চত বিশ্ব স্বাস্থ্য সংস্থাই এই ঘটনাক বৈশ্বিক মহামাৰী হিচাপে ঘোষণা কৰিছে।[7] ২০২০ বৰ্ষৰ ১৯ এপ্ৰিললৈ ২.২৪ মিলিয়নতকৈও অধিক লোক ইয়াৰ চিকাৰ হৈছে। ২০৯খন ৰাষ্ট্ৰ আৰু উপনিৱেশ এই প্ৰকোপৰ কবলত পৰিছে, ইয়াৰ ভিতৰত আমেৰিকা যুক্তৰাষ্ট্ৰ, ইটালী, স্পেইন, চীন, কোৰিয়া আৰু ইৰাণত ইয়াৰ প্ৰভাৱ সৰ্বাধিক। সমগ্ৰ বিশ্বত ইতিমধ্যে ১,৫৩,০০০তকৈ অধিক লোকৰ মৃত্যু ঘটিছে আৰু প্ৰায় ৫,৬৮,০০০ ৰোগীয়ে আৰোগ্য লাভ কৰিছে।[8][9]
এই প্ৰৱন্ধত এক শেহতীয়া ঘটনাৱলী নথিকৰণ কৰা হৈছে। ঘটনাৱলীৰ অগ্ৰগতিৰ লগেলগে তথ্যবোৰ সলনি হ'বও পাৰে, আৰু বাতৰিৰ প্ৰাথমিক প্ৰতিবেদন বিশ্বাসযোগ্য নহ'বও পাৰে। এইপ্ৰৱন্ধৰ শেহতীয়া নবীকৰণে একেবাৰে শেহতীয়া তথ্যবোৰ প্ৰতিফলিত নকৰিবও পাৰে। |
২০১৯ − ২০২০ চনৰ ক'ৰ'ণা ভাইৰাছৰ বৈশ্বিক মহামাৰী | |
---|---|
20 November 2022 অনুসৰি জনমূৰি নিশ্চিত ৰোগীৰ মানচিত্ৰ
মিলিয়নে প্ৰতি ১,০০০+ জন নিশ্চিত ৰোগী
মিলিয়নে প্ৰতি ১০০–১,০০০ জন নিশ্চিত ৰোগী
মিলিয়নে প্ৰতি ১০–১০০ জন নিশ্চিত ৰোগী
মিলিয়নে প্ৰতি ১–১০ জন নিশ্চিত ৰোগী
>মিলিয়নে প্ৰতি ০–১ জন নিশ্চিত ৰোগী
নিশ্চিত ৰোগীৰ কোনো তথ্য নাই | |
ৰোগ | ক'ৰ'ণা ভাইৰাছ ৰোগ ২০১৯ (COVID-19) |
ভাইৰাছ ষ্ট্ৰেইন | Severe acute respiratory syndrome coronavirus 2 (SARS-CoV-2) |
উৎস | বাদুলি আৰু সম্ভৱতঃ বন-ৰৌ[1][2][3] |
অৱস্থিতি | বিশ্বব্যাপী (অৱস্থানৰ তালিকা) |
প্ৰথম আৰম্ভণি | হুৱানান ছীফুড হোলছেল মাৰ্কেট |
প্ৰথম ঘটনা | ৱুহান, হুবেই, চীন 30°37′11″N 114°15′28″E |
তাৰিখ | ১ ডিচেম্বৰ ২০১৯ – বৰ্তমানলৈ (4 years, 4 months and 3 weeks) |
নিশ্চিত ৰোগী | > 337 million[4] |
আৰোগ্য | > এক্সপ্ৰেছন ত্ৰুটী: অপৰিচিত বিৰামচিহ্ন কেৰেক্টাৰ "{"[4] |
মৃত্যু |
> 55,60,000[4] |
ভৌগোলিক এলেকা |
২০৯[5] |
এই ভাইৰাছ প্ৰাথমিকভাৱে ইনফ্লুৱেঞ্জাৰ দৰেই হাঁচি আৰু কাহৰ দ্বাৰা সোঁচৰে।[10][11] এই বীজাণু সংক্ৰমিত হোৱাৰ পৰা সাধাৰণতে পাঁচ দিন, কেতিয়াবা দুইৰ পৰা ১৪ দিন শৰীৰত সুপ্ত অৱস্থাত থাকে, তাৰ পিছতহে ৰোগৰ লক্ষণবোৰে দেখা দিয়ে।[11][12] জ্বৰ, কাহ আৰু উশাহ ঘন হোৱা আদিয়েই হৈছে ৰোগৰ প্ৰাথমিক লক্ষণ।[11][12] জটিল অৱস্থাত নিউমনিয়া আৰু শ্বাস ৰোগৰ (acute respiratory distress syndrome) লক্ষণে দেখা দিয়ে। বৰ্তমান এই ৰোগৰ প্ৰতিষেধক বা বিশেষ ভাইৰাছনাশক চিকিৎসা উপলব্দ নহয়, যদিও ঔষধৰ অনুসন্ধান কৰি থকা হৈছে। বৰ্তমান ৰোগৰ লক্ষণসমূহ নিৰাময় আৰু সহায়কাৰী চিকিৎসাহে প্ৰদান কৰা হয়। হাত ধোৱা, আক্ৰান্ত লোকৰ পৰা আঁতৰত থকা আৰু সন্দেহজনক ব্যক্তিক নিৰীক্ষণ কৰা তথা ১৪ দিনলৈকে আচুতীয়াকৈ ৰখা আদি সুৰক্ষামূলক ব্যৱস্থাৰ দ্বাৰা এই ৰোগ সোঁচৰাত কিছু বাধা দিব পাৰি।[13][11]