আন্তৰ্জাতিক মান সংস্থা
আন্তৰ্জাতিক সংস্থা / From Wikipedia, the free encyclopedia
আন্তৰ্জাতিক মান সংস্থা (ইংৰাজী: International Organization for Standardization চমুকৈ ISO আৰু (ফৰাচী: Organisation internationale de normalisation, ৰুছ: Международная организация по стандартизации, tr. Mezhdunarodnaya organizaciya po standartizacii)[1] এটা আন্তৰ্জাতিক সংস্থা যিটো বিভিন্ন দেশৰ মান নিয়ন্ত্ৰণকাৰী প্ৰতিষ্ঠানৰ সমন্বয়ত গঠন কৰা হৈছে। ১৯৪৭ চনৰ ২৩ ফেব্ৰুৱাৰীত এইটো প্ৰতিষ্ঠা কৰা হয়। শিল্প আৰু বাণিজ্যৰ বিভিন্ন বিষয়ৰ উপৰত মান নিৰ্ধাৰন, প্ৰণয়ণ আৰু বিভিন্ন প্ৰতিষ্ঠানক মানৰ চনদপত্ৰ প্ৰদান ইয়াৰ প্ৰধান কাম ।
আন্তৰ্জাতিক মান সংস্থা Organisation internationale de normalisation[1] | |
---|---|
ইংৰাজী ভাষাত আইএচঅ’ৰ প্ৰতীক | |
প্ৰতিষ্ঠা | ২৩ ফেব্ৰুৱাৰী, ১৯৪৭ |
ধৰণ | এন জি অ |
উদ্দেশ্য | আন্তৰ্জাতিক মান নিৰ্ধাৰণ |
প্ৰধান কাৰ্যালয় | জেনেভা, ছুইজাৰলেণ্ড |
সদস্যপদ | ১৬৫ জন সদস্য |
আনুষ্ঠানিক ভাষা | ইংৰাজী, ফৰাছী আৰু ৰুছ |
ৱেবছাইট | www.iso.org |
আন্তৰ্জাতিক মান সংস্থাই নিজকে বেচৰকাৰী প্ৰতিষ্ঠান হিচাপে সংজ্ঞায়িত কৰে, যদিও মান প্ৰণয়ণৰ ক্ষমতা অতি বেছি আৰু ই প্ৰণয়ন কৰা অধিকাংশ মান চুক্তি বা জাতীয় পৰ্যায়ৰ প্ৰতিষ্ঠানৰ মাধ্যমেৰে আইনত পৰিনত হয়। এইকাৰনতে অধিকাংশ বেচৰকাৰী প্ৰতিষ্ঠানৰ তুলনাত আন্তৰ্জাতিক মান সংস্থা অনেকগুণে শক্তিশালী। বাস্তৱত চৰকাৰৰ লগত আন্তৰ্জাতিক মান সংস্থাৰ ঘনিষ্ঠ সম্পৰ্ক থাকে। ২০০৬ চন পৰ্যন্ত আইএচঅ’ৰ সদস্য সংখ্যা আছিল ১৫৮, যিবোৰৰ প্ৰত্যেকেই বিভিন্ন দেশক প্ৰতিনিধিত্ব কৰে।[2]
আন্তৰ্জাতিক মান সংস্থাৰ লগত ইন্টাৰনেশ্যনেল ইলেকট্ৰোটেকনিকেল কমিশ্যনৰ (IEC), ওতঃপ্ৰোত সম্পৰ্ক আছে যিটো ইলেকট্ৰনিক পণ্যৰ মান নিয়ন্ত্ৰণৰ দায়িত্বত আছে। ইয়াৰ মূখ্য কাৰ্যালয় ছুইজাৰলেণ্ডৰ, জেনেভাত অৱস্থিত।[3]