অক্টাৱিয়' পাছ
From Wikipedia, the free encyclopedia
অক্টাৱিয়' পাছ ল'জান' (ইংৰাজী: Octavio Paz Lozano; স্পেনিছ উচ্চাৰণ: [okˈtaβjo pas loˈsano] audio (সহায়·তথ্য); ৩১ মাৰ্চ ১৯১৪ - ১৯ এপ্ৰিল ১৯৯৮) এগৰাকী মেক্সিকান কবি, লেখক আৰু কূটনীতিবিদ আছিল। তেওঁৰ কৰ্মৰাজীৰ বাবে তেওঁ ১৯৮১ চনৰ মিগুৱেল ডি চাৰ্ভেণ্টিছ পুৰস্কাৰ, ১৯৮২ চনত Neustadt International Prize for Literature আৰু ১৯৯০ চনত সাহিত্যৰ ন'বেল বঁটা লাভ কৰে।
এই জীৱনী বিষয়ক চমু প্ৰবন্ধটোক বহলাই লিখা প্ৰয়োজন। আপুনিও ইচ্ছা কৰিলে যোগদান কৰিব পাৰে। আপুনি যদি নবাগত তেন্তে ৱিকিপিডিয়াত সম্পাদনা কৰাৰ অনুগ্ৰহ কৰি আগেয়ে সহায়িকাখন এবাৰ চকু ফুৰাব। |
অক্টাৱিয়' পাছ | |
---|---|
১৯৮৮ চনত অক্টাৱিয়' পাছ | |
জন্ম | অক্টাৱিয়' পাছ ল'জান' ৩১ মাৰ্চ, ১৯১৪ মেক্সিকো চিটি, মেক্সিকো |
মৃত্যু | ১৯ এপ্ৰিল, ১৯৯৮ (৮৪ বছৰ) মেক্সিকো চিটি, মেক্সিকো |
পেচা |
|
সময় | ১৯৩১–১৯৬৫ |
সাহিত্যিক বিপ্লৱ |
|
উল্লেখযোগ্য বঁটা |
|
অক্টাৱিয়' পাছৰ জন্ম হয় ১৯১৪ চনৰ ৩১ মাৰ্চত, মোক্সিকোত। তেখেতে মেক্সিকোৰ নেছনেল বিশ্ববিদ্যালয় আৰু আমেৰিকা যুক্তৰাষ্ট্ৰত শিক্ষা লাভ কৰে। ১৯৬২ চনত মেক্সিকোৰ ৰাষ্ট্ৰদূত হিচাপে ভাৰতলৈ আহে। ১৯৬৮ চনলৈকে এই পদত কাৰ্যনিৰ্বাহ কৰাৰ পাছত সেই বছৰেই অনুষ্ঠিত মেক্সিকো অলিম্পিকত ছাত্ৰৰ ওপৰত পুলিচে চলোৱা বৰ্বৰোচিত গুলীচালনাৰ প্ৰতিবাদত ৰাষ্ট্ৰদূত পদৰ পৰা পদত্যাগ কৰে। ইয়াৰ পাছত তেখেতে ক্ৰমে টেক্কাছ, হাৰ্ভাৰ্ড আৰু কেমব্ৰিজ বিশ্ববিদ্যালয়ত ‘লেটিন আমেৰিকা ষ্টাডিজ’ বিভাগৰ অধ্যাপকৰূপে কাৰ্যনিৰ্বাহ।[1] কৈশোৰৰ পৰাই কবিতা চৰ্চা কৰিছিল। ১৭ বছৰ বয়সতে মেক্সিকোৰ প্ৰখ্যাত সাহিত্যালোচনীত তেওঁৰ ৰচনা প্ৰকাশ হৈছিল। গদ্য ৰচনাতো বিশেষ দক্ষতা প্ৰদৰ্শন কৰিছিল। লেটিন আমেৰিকাত পাজক প্ৰথম শাৰীৰ গদ্য লেখক হিচাপে সসন্মানে স্বীকৃতি দিয়া হয়।[2]