نورمان
From Wikipedia, the free encyclopedia
النورمان او النورمانديين Normans ، اتسمو كده لانهم كانو من اسكندنافيا فى الشمال. قبايل من الفايكنج غزو غرب فرنسا و استقرو فى المنطقه المعروفه النهارده باسم نورماندى نسبه ليهم. اعتنقو المسيحيه و استخدمو اللغه الفرنساوى لكن احتفظو بروح المغامره و الحرب و الغزو. غزو انجلترا سنة 1066 بقيادة وليام دوق نورماندى اللى بقا ملك انجلترا و اتلقب باسم ويليام الفاتح. غزو ايطاليا و استولو على اراضى الامبراطوريه البيزنطيه فى جنوبها و هددو الاراضى البيزنطيه فى اليونان و شرق اوروبا و استولو على جزيرة سيسيليا و حاربو العرب بقيادة روبرت جويسكارد و اخوه روجر الاول لغاية ما طردوهم بالكامل من سيسيليا سنة 1091 و مع انهم طردو العرب شر طرده لكن ما اعتدوش على جوامع المسلمين و سمحو للمسلمين اللى فضلو فى الجزيره بممارسة طقوس دينهم بحريه. شاركو فى الحروب الصليبيه لكن أغراضهم غلب عليها الطابع السياسى مش الدينى واستولى بوهيموند الاول على انطاكيه و بقا ملك عليها سنة 1097 و ما كملش المشوار مع الصليبيين على بيت المقدس. لعب النورمان دور كبير فى سياسة و عسكرية و ثقافة العصور الوسطى و سابو وراهم الفن المعمارى النورمانى المميز. اختفى النورمان من التاريخ بعد ما بقوا فرنساويين و انجليز.
| ||||
---|---|---|---|---|
(بالانجليزى: Normans)، و(بالألمانى: Normannen)، و(بالفرنساوى: Normands)، و(باللاتينى: Normanni) | ||||
التسميه الاصليه | (بالانجليزى: Normans) (بالألمانى: Normannen) (بالفرنساوى: Normands) (باللاتينى: Normanni) | |||
تعديل |