مملكة كيليكيا
From Wikipedia, the free encyclopedia
مملكة كيليكيا الارمنيه Armenian Kingdom of Cilicia أو مملكة ارمينيا الصغرى Kingdom of Lesser Armenia ( بالارمنلى : Կիլիկիոյ Հայկական Թագաւորութիւն ) سماها مؤرخين العصور الوسطى الشرقيين " سيس " : مملكه اتأسست فى جنوب شرق الاناضول ( تركيا دلوقتى ) على اراضى منطقه اتنازع عليها الارمن و البيزنطيين و الفرانك فى القرن الحداشر. حكمها الروپينيين Rupenid من 1198 ل1226 و والهيتوميين Het'umid من 1226 ل1373.
| ||||
---|---|---|---|---|
علم | شعار | |||
الاسم الاصلى | (بالأرمنى: Կիլիկիայի Հայկական Թագավորություն) | |||
الارض و السكان | ||||
احداثيات | 37°00′N 35°30′E | |||
القاره | اسيا | |||
مسطحات مائيه قريبه | البحر المتوسط | |||
المساحه | ||||
عاصمه | طرسوس قوزان | |||
اللغه رسميه | ارمنيه وسطى ، ولاتينى ، وفرنسيه قديمه ، وروميه | |||
الدين الرسمى | ||||
الحكم | ||||
نظام الحكم | ملكيه | |||
التأسيس والسيادة | ||||
تاريخ التأسيس | 1199 | |||
[[تصنيف: غلط فى قوالب ويكى بيانات|]] | ||||
تعديل مصدري - تعديل |
المنطقه كانت جزء من الامبراطوريه الرومانيه من القرن الاول الميلادى و بعدين سيطر عليها المسلمين من سنة 646 و بقت بتعتبر جزء من حدود سوريا مع بيزنطه. بعد ما قوى البيزنطيين عسكرى فى القرنين التاسع و العاشر اتضمت المنطقه لاراضى الامبراطوريه سنة 965 فى عهد الامبراطور نيكيفوريس التانى فوكاس Nikephoras II Phokas و اتطرد المسلمين منها ، و شجع البيزنطين الارمن المسيحيين على الهجره و الاستقرار فيها. و بعد البيزنطين ما استولو على مملكة الارمن اللى كانت موجوده حوالين بحيرة ڤان Van فى شمال الاناضول و ضموها لامبراطوريتهم زادت هجرة الارمن للمنطقه.
فى سنة 1071 اتلقى الجيش البيزنطى فى اسيا الصغرى هزيمه جامده على ايد الترك السلاجقه فى معركة ملاذكرد و بقت كيليكيا جزء من اماره ما عاشتش كتير اسمها امارة فيلاريتوس Principality of Philaretos. فيلاريتوس ده كان فى الاصل محارب ارمنلى خدم فى الجيش البيزنطى.