دوله شيوعيه
From Wikipedia, the free encyclopedia
الدولة الشيوعيه هى شكل من اشكال الحكومه و الدولة اللى بتعتنق الفكر الشيوعى فى السياسه و الاقتصاد. الدولة دى بتبقى ماشية بنظام الحزب الواحد اللى بيبقى الحزب الشيوعى اللى مسيطر على كل حاجة فى السياسة او على الاقل له امتيازات زياده عن باقية الاحزب لو فيه تعدد احزاب فى الدولة و الايدولوجيا المسيطره اللى بتمشى البلد بتبقى فى الغالب اما ماركسيه-لينينيه او لينينيه. اقتصاد الدول دى فى الغالب اقتصاد شمولى ، اللى كل المصانع و ادوات الانتاج فى ايد الدولة و الحكومة بس ، بس ابتدت دول شيوعيه تقرب من اقتصاد المختلط ، اللى بيقسم ادوات الانتاج بين ملكية الدولة و القطاع الخاص زى ما فى الصين و فيتنام مثلا. فى القرن العشرين طلعت دول كتير بتصنف نفسها انها دول شيوعيه. و كل ده ابتدى من بعد نجاح الثوره البلشفيه فى 1917 بقيادة لينين و تروتسكى فى روسيا اللى أسست الاتحاد السوفيتى . بعد الحرب البارده و تفكيك الاتحاد السوفيتى وقعت الانظمه الشيوعيه تقريبا كلها و مفضلش غير الصين ، فيتنام ، لاوس ،كوبا و كوريا الشماليه . الشيوعيين تروتسكية شايفين ان ولا دولة من الدول اللى وصفت نفسها انها شيوعيه، شيوعيه بجد و ان معظم الدول دى كانت دول فاسده و ده اللى اتسبب فى انهيارها و انهم خرجوا و محققوش التغيرات الاقتصاديه و الاجتماعيه اللى الشيوعيه بتنادى بها.