شهدا كوردوبا
From Wikipedia, the free encyclopedia
شهدا كوردوبا ( بالعربى: شهداء كوردوبا ، اسبانى: Los Mártires de Córdoba ) هى وقائع قصه كتبها قسيس كاتوليكى اسمه يولوجيوس Eulogius عن 48 مسيحى معظمهم رهبان و كهنة كاتوليك كانو عايشين فى الاندلس فى جنوب اسبانيا تحت الحكم الاسلامى فى القرن التاسع اتعدمو فى الفتره مابين 851 و 859 ، اولهم كان قسيس كاتوليكى اسمه بيرفيكتوس Perfectus ، و اخرهم كانت بنت اسمها لوسريتيا Lucretia ، و اشهرهم كان كان كاتب القصه واللي دعا للظاهرة دي القسيس يولوجيوس اللى اتعمل قديس بإسم " سان يولجيو دو كوردوبا San Eulogio de Córdoba " ، و كان الاب الروحى لمعظمهم (بالرغم ان فيه ناس منه مقبلوهوش) عشان هو اللى كان بيشجعهم على شتيمة الاسلام و شتيمة نبى المسلمين. الشهدا دول مااتعدموش بسبب دفاعهم عن المسيحيه فى حد ذاتها لكن بسبب مهاجمتهم للاسلام و النبى محمد.
شهدا كوردوبا | |
---|---|
Died | Between 850 and 859,Córdoba, Al-Andalus, modern day Spain |
Martyred by | Abd ar-Rahman II, Muhammad I of Córdoba |
Means of martyrdom | Decapitation |
Venerated in | Roman Catholic Church, Eastern Orthodox Church |
Notable martyrs | Aurelius and Natalia, Eulogius, Perfectus, Roderick |
القصه كتبها القسيس يولوجيوس الكوردوبى ، و ماظهرتش فى كتب المؤرخين المسلمين او الفرنج اللى عاصروها ، و فى كتب تاريخ و حوليات و سجلات قضاة كوردوبا مفيش ذكر عن قاضى أصدر احكام فى قضايا من النوعيه دى. و اللى خلت مفيش مصادر لمقارنة الوقائع اللى ذكرها القسيس يولوجيوس و من ناحيه تانيه ما اهتمش بالقصه المؤرخين الغربيين فى العصر الحديث و لا دونتها الموسوعه البريطانيه فى نسخها المطبوعه. او زى ما بيقول الباحث تشارلز رجينالد هاينيز Charles Reginald Haines فى بحثه الاكاديمى عن الموضوع :" للأسف وقائع القصه متاخده من اللى شجعو على الظاهره ده نفسهم و بالتالى ممكن يتشك فى ان فيها اختلاقات " ، و وضح هاينيز ان مفيش تسجيل واحد بيبين ان فيه مسيحيين اتعدمو بسبب دينهم عن طريق العرب فى اسبانيا قبل نص القرن التاسع.[1] مع ان القانون فى الاندلس كان بينص على ان اللى يغير دينه ويسيب الاسلام او انه يشتم محمد نبي الاسلام يتعدم.[2]
بطبيعة الحال ، بغض النظر عن حقيقة القصه، لازم يتاخد فى الاعتبار ان الأحداث، حسب ما وصفها القسيس يولوجيوس عمرها أكتر من الف سنه فى فتره مظلمه انتشرت فيها الجهالات و الخرافات و الحروب الدينيه و الصراعات مابين الكاتوليك و المسلمين على مد مناطق النفوذ اتوجت فى اخر المطاف بالحروب الصليبيه اللى اتسببت فى قتل حوالى 6 مليون انسان.