حصار مالطا 1565 او حصار مالطا العظيم The Great Siege of Malta هو حصار ضخم ضربه اسطول الاتراك العثمانليه على جزيرة مالطا من 18 مايو 1565 لـ 8 سبتمبر 1565 للإستيلاء على الجزيره و طرد فرسان الاسبتاريه ( فرسان نظام القديس يوحنا Order of St. John ) منها. بيعتبر الحصار ده من اكبر الحصارات اللى حصلت فى التاريخ و شارك فيه مهندسين مصريين. الحصار حصل فى عهد السلطان العثمانى سليمان القانونى و قاد الغزاه الاتراك مصطفى باشا ( قومندان الجيش ) و الأدميرال بيالى باشا ( قومندان الأسطول ) و قاد فرسان القديس يوحنا الجراند ماستر جان باريسوت دى لافاليت Jean Parisot de la Valette اللى اتسمت عاصمة مالطا ( فاليتا ) على اسمه. قدر الاتراك فى البدايه من تحقيق انتصار بعد نزولهم فى مرساخلوك Marsaxlokk بالحصنه و الخيام و الات الحصار و استيلائهم على حصن القديس ايلمو Fort St. Elmo على ساحل مدينة فاليتا الحاليه فى 23 يونيه 1565. فرسان القديس يوحنا قاومو مقاومه بطوليه و كلفو الاتراك خساير ضخمه و بعد وصول تعزيزات عسكريه من اوروبا فشل الاتراك فى الاستيلاء على الجزيره و انسحب اسطولهم من ميه مالطا.
معلومات سريعة جزء من حروب العثمانيين و هابسبورج, بداية ...