جون كينيدى
From Wikipedia, the free encyclopedia
چون فيتزجيرالد كينيدى John Fitzgerald Kennedy (بروكلين، امريكا، 29 مايو 1917 - دلاس، امريكا، 22 نوفمبر 1963)، رئيس الولايات المتحده الامريكيه رقم خمسه و تلاتين. حكم امريكا من يناير 1961 لغاية 22 نوفمبر 1963 بعد ما اتقتل فى ظروف غامضه و هو راكب عربيه مكشوفه فى مدينة دلاس فى ولاية تكساس فمات و هو عنده سته و اربعين سنه.
معلومات سريعة جون كينيدى, معلومات شخصيه ...
إغلاق
كيندى اتولد فى بروكلين فى 29 مايو 1917 و اتخرج من جامعة هارفارد و كان بينتمى للحزب الديموقراطى و حكم امريكا بعد الرئيس دوايت ايزنهاور فى فتره مضطربه و حرجه من الصراع بين المعسكر الغربى اللى بتقوده امريكا و المعسكر الشرقى اللى كان بيقوده الاتحاد السوفيتى و اللى اتعرف بـ "الحرب البارده".