انتخاب طبيعي
From Wikipedia, the free encyclopedia
التنوع موجوده فى كل مجموعه من الكائنات الحيه. وده جزء منه بيحصل بسبب طفرات عشوائيه فى الچينوم بتاع الفرد الواحد من النوع، والنسل ممكن يورث الطفرات دى، بس الانتخاب الطبيعى نفسه مش عشوائى. الچينوم بتاع الأفراد المختلفة بيتفاعل مع بيئتهم وبيسبب تغييرات فى صفاتهم. البيئة هنا مقصود بيها التفاعلات البيولوچية جوا الخليه الواحده والتفاعلات مع خلايا وأفراد ومجموعات وأنواع تانية، وكمان مع الأشياء اللى مش حية. الأفراد اللى عندهم صفات محدده فرصتهم فى النجاه والتكاثر بتبقى اكبر من الأفراد اللى معندهمش الصفات دى أو عندهم صفات تانيه مش صالحه كفاية للبقاء، وبالتالى بيحصل تطور جوا كل مجموعة حية. فيه عوامل تانية بتأثر على نجاح التكاثر زى الانتخاب الجنسى والانتخاب المعتمد على الخصوبة.