المركز الثقافى القبطى
From Wikipedia, the free encyclopedia
المركز الثقافى القبطى، مركز ثقافى و مكتبه افتتحت فى القاهره فى مصر فى 14 نوفمبر سنة 2008. المركز احياء لمكتبة الكنيسه المصريه الارتودكسيه القديمه و موجوده فيه أعداد كبيره من الكتب و المخطوطات التاريخيه النادره. و بيعتبر المركز جسر للحوار مع التراث المصرى القبطى و حلقة ربط بين حاضر مصر و ماضيها و مستقبلها زى ما بيقول البابا شنوده التالت اللى افتتح المركز. المركز اهتماماته مش لاهوتيه وبس لكن منفتح على التاريخ القبطى و الثقافه المصريه بوجه سنة و بيعتبر اضافه ثقافيه مهمه لمساعدة المؤرخين و الباحثين و نشر الوعى الثقافى بتاريخ مصر.
من اهداف المركز الحصول على نسخ متصوره من المخطوطات القبطيه اللى اتسربت بره مصر و اتناثرت فى المتاحف و الجامعات المتخصصه. و المركز حالى بيضم عدد من المخطوطات المهمه و النادره او نسخ منها. فيه مثل مخطوطات لنصوص قبطيه صعيديه بترجع للقرون الميلاديه الاربعه الاولى، و فيه مخطوطات مفيده للباحثين بالنسبه لتطور اللغه القبطيه و الكتابه و نصوص فيها المحاولات الاولانيه لترجمة الكتاب المقدس من القبطى للعربى و نصوص من