اسلامويين
طايفه من المسلمين بيعتنقوا ايديولوجيه اسلامويه / From Wikipedia, the free encyclopedia
الاسلامويين - Islamists - ( مفرد : اسلاموى ) هما طايفه من المسلمين بيعتنقوا ايديولوجيه اسلامويه Islamism بتعتقد ان الاسلام مش بس دين و نظام عبادات لكن كمان نظام سياسى.
المسلمين العاديين Muslims زيهم زى عامة المسيحيين و اليهود و الهندوس و غيرهم من معتنقين الديانات التانيه بيمارسوا الدين كدين و نظام عبادات ، على عكسهم الاسلامويين بيخلطوا الدين بالسياسه و العناصر الاجتماعيه و الثقافيه وغيرها و بيكونوا جماعات هدفها فرض اللى بيعتقدوه منهج اسلامى على غيرهم من افراد المجتمع او لحد المجتمعات التانيه و بيهدفوا لتأسيس دوله دينيه ثيوقراطيه بتحكم فيها الشريعه الاسلاميه او " الحاكميه الالاهيه " زى ماهما بيفسروها ، و تدمير كل التأثيرات اللى مابتمشيش مع مفاهيهم و بالخصوص التأثيرات الغربيه الثقافيه و الاجتماعيه و العلميه و السياسيه و لحد اللبس و غيرها ، و فيهم بينادوا بغزو البلاد و خطف السبايا و نهب الغنايم و تطبيق وسايل العقوبات فى العصور القديمه زى قطع الرقاب بالسيوف و رجم الستات بالطوب و الحجاره و الجلد بالكرابيج و غيرها. مفاهيم زى الديمقراطيه و الحريه و الليبراليه و المساواه مابين الراجل و الست او مابين الاسلاموى و اصحاب الديانات و الفلسفات التانيه لحد لو كانو مسلمين مالهاش معنى عند الاسلامويين و بيعتبروها مفاهيم مضره و مضاده لمفاهيمهم و انهم لازم يحاربوها. بطبيعة الحال من التيارات دى خرج المتطرفين و السلفيين و جماعات دينيه تانيه و منها خرجت جماعات بتستخدم العنف بالكلمه او بالفعل ضد الغير . بعد مهاجمة ابراج التجاره العالميه World Trade Center فى نيو يورك فى سبتمبر 2011 و قتل اكتر من 3000 انسان و اعتداءات ارهابيه تانيه اخدت مدنيين فى الغرب انتبه العالم لمدى خطورة الأيدلوجيه دى على السلم البشرى و مدى تهديدها للامن و الاستقرار على مستوى العالم و ان التصدى لارهابها لازم يشمل الجوانب العسكريه. بطبيعة الحال الايديولوجيه دى اتسببت فى ظهور تيارات معاديه للمسلمين ككل من غير الأخد فى الاعتبار ان الاسلامويين بيختلفوا عن المسلمين العاديين و انتشرت مشاعر الاسلاموفوبيا ( الخوف من الاسلام ) Islamophobia و العداوه للمسلمين فى نواحى العالم.