Universitet Dillenge
From Wikipedia, the free encyclopedia
48.57762910.4916
D Universitet Dillenge isch vu 1551 bis 1803 in dr schwebische Stadt Dillenge an dr Duene bstande. Ihri wichtigscht Ufgab isch d Uusbildig vu dr katholische Pfaarer un vum katholische Adel z Siddytschland gsi. Si isch am Aafang dr einzig Versuech gsi, dr dominikanisch-thomistisch Zwyg vu dr spanische Spotscholastik uf Dytschland z iberdrage. Ihri historisch Bedytig lyt aber in dr Hauptsach dodrin, ass si di erscht voll uuspregt Jesuite-Universitet gsi isch uf em Bode vum Heilige Remische Rych vu dr Dytsch Nation. Derzue isch si di erscht bstandsfähig Universitetsstiftig gsi vun eme geischtlige Firscht im dytsche Ruum.