D Uniwersidäät Häidelbärg
en Uniwersidäät z Häidelbärg / From Wikipedia, the free encyclopedia
D Ruprecht-Karls-Uniwersidäät Häidelbärg (churz Uniwersidäät Häidelbärg, latinisch Ruperto Carola) isch e Uniwersidäät vom Land Baade-Württebärg z Häidelbärg. Si isch äini vo de eltiste öiropäische Uniwersidääte und die eltisti z Dütschland. Si isch im Joor 1386 vom pfälzische Churfürst Ruprecht I. gründet worde.
Universität Heidelberg | |
---|---|
Motto | Semper Apertus Stets offen |
Gründig | 1386 |
Ort | Häidelbärg |
Bundesland | Baade-Württebärg |
Land | Dütschland |
Rektor | Bernhard Eitel |
Studänt*ene | 30'898 (WS 2014/2015)[1] |
Johresbudget | 647,9 Mio € (2014, inkl. Medizin)[2] |
Website | www.uni-heidelberg.de |
D Uniwersidäät isch in zwölf Fakultääte organisiert und bietet s Fächerspektrum von ere Volluniwersidäät. Im Wintersemester 2014/15 si 30'898 Studierendi iigschriibe gsi[3] und öbbe 500 Brofässer häi Underricht gee.[4] Öbbe 17,5 % vo de Studierende si us em Usland.[5] D Geböid vo dr Uniwersidäät si über d Häidelbärger Altstadt, dr Stadtdäil Bärghäim und s Nöiehäimer Fäld verströit.
D Uniwersidäät Häidelbärg isch e Gründigsmitgliid vo dr Liga vo de Öiropäische Forschigsuniwersidääte (LERU) und vo dr Coimbra-Grubbe und isch erfolgriich bi dr Exzellänziniziative vom Bund (Eliteuniwersidäät). Si isch mit 56 Nobelbriisdreeger assoziiert[6] und het in ganz Dütschland am mäiste von ene[7]. Au im internazionale Vergliich isch si uf äim vo de Spitzeblätz.[8]