Rieterpark
From Wikipedia, the free encyclopedia
De Rieterpark isch e öffetliche Zörcher Stadtpark i de Engi und hett e Flächi vo knapp 7 Hektaare. De Park litt meerhaitlich im Hang vom Moränehügel und het zwee Uusichtspünkt. Im Nordweste büütet sich en Uussicht über d Siil und de Üetliberg aa, d Chanzle im Süüde vom Park büütet e grossartigi Uussicht öber de Zörisee und d Alpe. Im Park litt d Villa Wesendonck, wo s Museum Rietberg drin isch. Seb isch e Kunstmuseum, wo uf Kunst us Asie, Ozeanie, Afrika und Altamerika spezialisiert isch und wo au för sini Sonderusstelige international bikannt isch.