Richard von Weizsäcker
ditsche Bolitiker / From Wikipedia, the free encyclopedia
Dr Richard Karl Freiherr von Weizsäcker (* 15. April 1920 z Stuttgart; † 31. Januar 2015 z Berlin) isch e dütsche Politiker (CDU) gsi. Er isch vo 1981 bis 1984 dr Regierend Bürgermäister vo Berlin und vo 1984 bis 1994 dr säggsti Bundesbresidänt vo dr Bundesrepublik Dütschland gsi.
Dr Weizsäcker het vor allem im Usland vil Anerkennig mit sinere Reed vom 8. Mai 1985 überchoo, won er din dr 8. Mai 1945 as „Daag vo dr Befreijig vom menscheverachtende Süsteem vo dr nazionalsozialistische Gwaltherrschaft“ bezäichnet het. Er het sich drfür iigsetzt, ass Ost und West vorsichdig wurde zämmewaggse und het in sinere Reed zur Widerveräinigung am 3. Oktober 1990 gsäit: „Sich zu vereinen, heißt teilen lernen.“